ஈப்போ தொடருந்து நிலையம்

அமைவிடம்
	ஈப்போ தொடருந்து நிலையம்

ஈப்போ
Ipoh
ஈப்போ Ipoh
	\| நகரிடை \| கொமுட்டர்
	ஈப்போ தொடருந்து நிலையம் (சூன் 2024)
பொது தகவல்கள்
அமைவிடம்	ஈப்போ ; பேராக் மலேசியா
ஆள்கூறுகள்	4°35′50″N 101°04′24″E / 4.59722°N 101.07333°E
உரிமம்	மலாயா தொடருந்து
நடைமேடை	4 நடை மேடைகள்
இருப்புப் பாதைகள்	9
கட்டமைப்பு
தரிப்பிடம்	கட்டணம் KTMB நிறுத்துமிடம்; ஈப்போ மாநகராட்சி 2 இடங்கள்;
மாற்றுத்திறனாளி அணுகல்	உண்டு
கட்டடக் கலைஞர்	ஆர்தர் பெனிசன் அப்பேக்
கட்டடக்கலை நடை	மூரிஷ் மறுமலர்ச்சி கட்டிடக்கலை இந்தோ சரசனிக் பாணி
வரலாறு
திறக்கப்பட்டது	1917
மறுநிர்மாணம்	2007
மின்சாரமயம்	2008
பயணிகள்
பயணிகள்	* 1 பயணம் = 6 பெட்டிகள் 1 பெட்டி = 40 பயணிகள்; 1 தொடருந்து = 240 பயணிகள் ;
சேவைகள்
அமைவிடம்
	ஈப்போ தொடருந்து நிலையம்

ஈப்போ தொடருந்து நிலையம் (ஆங்கிலம்: Ipoh Railway Station, மலாய்: Stesen Keretapi Ipoh); சீனம்: 怡保火车站) என்பது மலேசியா, பேராக், ஈப்போ மாநகரில் அமைந்துள்ள ஒரு தொடருந்து நிலையம் ஆகும்.

இந்த நிலையத்திற்கு பேராக் மாநிலத்தின் தலைநகரமான ஈப்போவின் நினைவாகப் பெயரிடப்பட்டது. இந்த நிலையம் மலாயா தொடருந்து நிறுவனத்தின் (Keretapi Tanah Melayu Berhad) கீழ் கேடிஎம் இடிஎஸ் (KTM ETS) தொடருந்து சேவைகளை வழங்குகிறது. அத்துடன் பேராக் மாநிலத்திற்கான முக்கிய தொடருந்து முனையமாகவும் மற்றும் சரக்குத் தொடருந்துகளைக கையாளும் முனையமாகவும் செயல்படுகிறது.^[1]

இந்த நிலையம் ஆர்தர் பெனிசன் அப்பேக் (Arthur Benison Hubback) என்பவரால் வடிவமைக்கப்பட்டது. தற்போதைய நிலையம் அதிகாரப்பூர்வமாக 1917-இல் திறக்கப்பட்டது. ஈப்போவின் தாஜ் மகால் (Taj Mahal of Ipoh) என்று அதன் உள்ளூர் மக்களால் அன்பாக அழைக்கப்படுகிறது.^[2]^[1]

இருப்பிடம்

இந்த நிலையம், பாங்லிமா புக்கிட் காந்தங் வகாப் சாலையில் (Jalan Panglima Bukit Gantang Wahab) அமைந்துள்ளது. இந்த சாலை ஈப்போ பிரதான தபால் அலுவலகம் (Ipoh Main Post Office), ஈப்போ நீதிமன்ற வளாகம் (Ipoh Court Complex) மற்றும் ஈப்போ நகர மண்டபம் (Ipoh Town Hall) ஆகியவற்றைக் கொண்டுள்ளது.

அத்துடன் பர்ச் நினைவுக் கடிகார கோபுரம் (Birch Memorial Clock Tower), ஈப்போ திடல் (Padang Ipoh), துன் ரசாக் நூலகம் (Tun Razak Library) மற்றும் மாநில மசூதி (State Mosque) போன்ற பிற இடங்களும் அருகிலேயே அமைந்துள்ளன.

வரலாறு

முதல் ஈப்போ தொடருந்து நிலையம் 1894-இல் கட்டப்பட்டது. பேராக் இரயில்வே எனும் பேராக் தொடருந்து சேவைக்கான (Perak Railway) தொடருந்து பாதைகள் முதன்முதலில் ஈப்போவில் தான் அமைக்கப்பட்டன. பேராக் தொடருந்து சேவை 20 ஆண்டுகள் சேவை செய்தது. அதன் பின்னர் மலாயா கூட்டமைப்பு மாநிலங்களின் தொடருந்து சேவையில் (Federated Malay States Railways) ஒருங்கிணைக்கப்பட்டது.^[3]

1914-ஆம் ஆண்டில், பழைய நிலையத்திற்குப் பதிலாக தங்கும் விடுதியுடன் இரண்டாவது நிலையம் கட்டுவதற்கு திட்டம் வகுக்கப்பட்டது. முதல் உலகப் போரின் போது பொருள் பற்றாக்குறை மற்றும் தொழிலாளர் செலவுகள் காரணமாக, நிலையம் 1917-இல் தான் கட்டி முடிக்கப்பட்டது.

இரட்டை அடுக்கு நிலையக் கட்டிடம்

புதிய இரட்டை அடுக்கு நிலையக் கட்டிடம் அதிக இடவசதியுடன் கட்டப்பட்டது. அதில் தொடருந்து நிறுவனத்தின் அலுவலகங்கள் மற்றும் மெஜஸ்டிக் (Majestic Hotel) தங்கும் விடுதியைக் கொண்டிருந்தது. இந்தத் தங்கும் விடுதி முதலில் 17 படுக்கையறைகளுடன் கட்டப்பட்டது. 1936-இல் இந்தத் தங்கும் விடுதி அதன் அறைகளின் எண்ணிக்கையை 21-ஆக உயர்த்தியது.^[4]

கடந்த 110 ஆண்டுகளுக்கும் மேலாக, இந்த நிலையத்தின் ஒட்டுமொத்த தளவமைப்பு பெரும்பாலும் மாற்றப்படாமல் பாதுகாக்கப்பட்டு வருகிறது

திரைப்படங்கள்

டவுன் பாய் (1981) (Town Boy) எனும் திரைப்படத்தில் ஈப்போ நிலையத்தின் 1917-ஆம் ஆண்டு இறுதிக் கட்டுமானப் பணிகளை விவரிக்கும் வெளிப்புற மற்றும் அசல் நடைமேடை காட்சிகள்;