எம்ஆர்டி சுற்று வழித்தடம் அல்லது பெரும் விரைவு தொடருந்து சுற்று வழித்தடம் (ஆங்கிலம்: MRT Circle Lineமலாய்: Laluan MRT Lingkaran என்பது மலேசியாகிள்ளான் பள்ளத்தாக்கு பகுதியில் திட்டமிடப்பட்டு உள்ள ஒரு விரைவுப் போக்குவரத்து வழித்தடம் (Mass Rapid Transit) (MRT) ஆகும்.
இந்த வழித்தடம், மலேசியாவில் முழு ஓட்டுநர் இல்லாத தானியங்கி தொடருந்து அமைப்புகளில் ஐந்தாவது வழித்தடம் ஆகும். ஏற்கனவே, இந்த வழித்தடத்திற்கு மிக அருகில் உள்ள கிளானா ஜெயா வழித்தடம் அந்தத் தானியங்கி அமைப்பைக் கொண்டுள்ளது.
பொது
இந்த வழித்தடம் கட்டி முடிக்கப்பட்டதும், கிள்ளான் பள்ளத்தாக்கு ஒருங்கிணைந்த போக்குவரத்து அமைப்பில் இந்த வழித்தடம் ஒரு சுற்றுவட்டத் தொடருந்துப் பாதையை உருவாக்கும். அதிகாரப்பூர்வ போக்குவரத்து வரைபடங்களில் வழித்தடத்தின் எண் 13 என்றும் நீல ஊதா நிறத்திலும் இருக்கும்.[2]
4 சூலை 2024-க்கு முன்னர் இந்த வழித்தடம், வழித்தடத்தின் அதிகாரப்பூர்வ வரைபடத்தில் சாம்பல் நிறத்தில் இருந்தது.[3]கிள்ளான் பள்ளத்தாக்கு ஒருங்கிணைந்த போக்குவரத்து அமைப்பின் கீழ் திட்டமிடப்பட்ட மூன்று விரைவுப் போக்குவரத்து (MRT) தொடருந்துப் பாதைகளில் இதுவும் ஒன்றாகும். 2015-ஆம் ஆண்டின் தொடக்கத்தில் வழித்தடம் கட்டும் திட்டம் மீண்டும் தலைதூக்கியது.[4]
கட்டுமானப் பணிகள் 2026-இல் தொடங்கும் என்றும் 2032-க்குள் நிறைவு அடையும் என்றும் எதிர்ப்பார்க்கப்படுகிறது. கட்டுமானச் செலவு சுமார் RM ரிங்கிட் 31 பில்லியனாக இருக்கும்; அதே வேளையில் தனியார் நிலங்களைக் கையகப்படுத்தும் செலவு RM ரிங்கிட் 8.4 பில்லியனாக இருக்கும் என மதிப்பிடப்பட்டுள்ளது.[8] 50.8 கிமீ (31.6 மைல்) நீளம் கொண்ட இந்த வழித்தடத்தில் 25 உயர்த்தப்பட்ட நிலையங்கள்; மற்றும் 7 நிலத்தடி நிலையங்கள் (மொத்தம் 32 நிலையங்கள்) கட்டப்படும்.
