சா ஆலாம் வழித்தடம் (ஆங்கிலம்: Shah Alam Line அல்லது LRT Shah Alam Line; அல்லது LRT Bandar Utama-Johan Setia Line; மலாய்: Laluan Shah Alam அல்லது Laluan LRT Bandar Utama–Johan Setia) என்பது மலேசியா, கிள்ளான் பள்ளத்தாக்கு பகுதியில், சா ஆலாம் மற்றும் கிள்ளான் நகர்ப்புறங்களுக்குச் சேவை செய்யும் ஒரு விரைவுத் தொடருந்து வழித்தடம் ஆகும். தற்போது இந்த வழித்தடம் கட்டுமானத்தில் உள்ளது.[6]
இந்த வழித்தடத்தில் 25 நிலையங்கள் உள்ளன. 37.8 கிமீ நீளமுள்ள இந்த வழித்தடத்தில், பெரும்பாலும் உயரமான மேம்பால அடுக்குகளில் எல்ஆர்டி நிலையங்கள் இயங்குகின்றன. அத்துடன் ஒரே ஒரு நிலத்தடி நிலையம் மட்டுமே உள்ளது.
முன்னதாக, மொத்தம் 26 நிலையங்கள் கட்டப்பட்ட திட்டமிடப்பட்டது. ஒவ்வொரு நிலையத்திற்கும் இடையே இரண்டு கிலோமீட்டர் தூர இடைவெளி வரையறுக்கப்பட்டது.அவற்றுள் ஒரு நிலையம் நிலத்தடி நிலையமாக இருக்க வேண்டும்; மற்ற 25 நிலையங்கள் உயர்த்தப்பட்ட நிலையங்களாக இருக்க வேண்டும் என்றும் திட்டமிடப்பட்டது.
அதன் காரணமாக தொடக்கத் திட்டத்தில் ஆறு நிலையங்களின் கட்டுமானம் நிறுத்தி வைக்கப்பட்டது.
திட்டச் சீரமைப்பு
திட்டத்திற்கான அதிக செலவு; வழித்தடத்தின் நிலத்தடி பகுதியில் தேவையற்ற சுரங்கப்பாதைகள்; மற்றும் அப்பகுதியில் குறைவான பயணிகளின் எண்ணிக்கை; ஆகியவை செலவைக் குறைக்க முடிவு செய்த காரணங்கள் என குறிப்பிடப்பட்டது.
மேலும் சில செலவுக் குறைப்பு நடவடிக்கைகளும் மேற்கொள்ளப்பட்டன.
ஆறு பெட்டிகள் கொண்ட தொடருந்துகளை மூன்று பெட்டிகள் கொண்ட தொடருந்துகளாக மாற்றுவது
தொடருந்துகளை 42-இல் இருந்து 22-ஆகக் குறைப்பது
நிலையங்களின் அளவைக் குறைப்பது
விலையுயர்ந்த தொழில் நுட்பங்களைக் குறைப்பது
பிற செலவுகளைக் குறைப்பது
கட்டுமான நிறைவு காலம், 2020-இல் இருந்து 2024 வரை நீட்டிக்கப்பட்டது.[7][8]
↑Rapid KL (5 August 2021). "LRT3 kini dikenali sebagai LRT Laluan Shah Alam". Facebook. Retrieved 23 September 2021. LRT3 atau dahulunya LRT Laluan Bandar Utama – Johan Setia, kini secara rasmi akan dikenali sebagai LRT Laluan Shah Alam
.jpg)
