இந்தோர் அரசு

இந்தூர் சமஸ்தானம் इंदौर रियासत
சுதேச சமஸ்தானம் பிரித்தானிய இந்தியா
← 1818–1948 →
கொடி சின்னம்
குவாலியர் அரசு மற்றும் போபால் இராச்சியங்களுடன் இந்தூர் அரசின் வரைபடம்
வரலாறு
•	பிரித்தானிய இந்தியப் பேரரசின் கீழ்	1818
•	இந்திய விடுதலை	15 சூன் 1948 1948
பரப்பு
•	1931	24,605 km2 (9,500 sq mi)
Population
•	1931	13,25,089
	மக்கள்தொகை அடர்த்தி	53.9 /km2  (139.5 /sq mi)
தற்காலத்தில் அங்கம்		மத்தியப் பிரதேசம், இந்தியா
இந்தக் கட்டுரை  தற்போது பொது உரிமைப் பரப்பிலுள்ள நூலிலிருந்து உரையைக் கொண்டுள்ளது:  பிரித்தானிக்கா கலைக்களஞ்சியம் (11th). (1911). Cambridge University Press.

இந்தோர் அரசு அல்லது ஹோல்கர் அரசு (Indore State or Holkar State),^[1]பிரித்தானிய இந்தியாவுக்கு கட்டுப்பட்ட மராத்திய ஓல்கர் வம்சத்தவர்கள் கி பி 1818 முதல் இந்தூர் அரசை ஆண்ட |சமஸ்தானம் ஆகும். இதன் தலைநகரம் இந்தூர் நகரம் ஆகும்..

தற்கால மத்தியப் பிரதேசத்தில் அமைந்த இந்தூர் சமஸ்தானம், 1931-இல் மொத்தப் பரப்பளவு 24,605 சதுர கிலோ மீட்டரும், 3,368 கிராமங்களும்^[2], 1,325,089 மக்கள் தொகையும் கொண்டிருந்தது. இந்தூர் அரசின் முதல் தலைநகராக மஹேஷ்வர் நகரம் விளங்கியது. பின்னர் இந்தூருக்கு மாற்றப்பட்டது. பிற முக்கிய நகரங்கள் கார்கோன், பர்வாஹா மற்றும் பான்புரா ஆகும்.

இந்தூர் நகரம் மத்திய இந்தியாவின் முக்கிய வணிக மையமாகவும், படைகளின் பாசறையாகவும் விளங்கியது.

ஓல்கர் வம்சத்தின் நிறுவனரும், மராத்தியப் படைத்தலைவரும் ஆன மல்ஹர் ராவ் ஓல்கருக்கு, மராத்தியப் பேரரசின் பேஷ்வா வழங்கிய இந்தூர் மற்றும் 28 சிறு நிலப்பரப்புகளைக் கொண்டு, 29 சூலை 1732-இல் இந்தூர் அரசை நிறுவினார். இவரது மருமகள் அகில்யாபாய் ஓல்கர் ஆவார். மூன்றாம் ஆங்கிலேய மராட்டியப் போரில் மராத்திய ஓல்கர் தோல்வி கண்ட பின்னர், பிரித்தானிய இந்தியாவுடன் மராத்திய இந்தூர் அரசு 6 சனவரி 1818-இல் செய்து கொண்ட உடன்படிக்கையின் படி, பிரித்தானிய இந்திய அரசின் பாதுக்காப்பிற்குட்பட்ட, சுதேச சமஸ்தானமாக விளங்கியது. இந்தூர் அரசின் தலைநகர் மஹேஷ்வர் நகரத்திலிருந்து இந்தூர் நகரத்திற்கு 3 நவம்பர் 1818-இல் மாற்றப்பட்டது.

1947-இல் இந்திய விடுதலைக்குப் பின்னர் இந்தூர் அரசு சுதேச சமஸ்தானங்களை இந்தியாவுடன் இணைக்கும் உடன்படிக்கையில், இந்தூர் அரசின் இறுதி மன்னர் யஷ்வந்த்ராவ் ஓல்கர் 1 சனவரி 1950-இல் கையொப்பமிட்டார்.

பிரித்தானிய இந்தியாவின் அரச நிர்வாகம், இந்தூர் மன்னர்களுக்கு 19 பீரங்கி குண்டுகள் முழங்கி மரியாதை செய்தனர்.^[3]

• இந்தூர் முகமை
• மன்னர் அரசு (பிரித்தானிய இந்தியா)
• ஓல்கர் வம்சம்
• இந்திய மன்னராட்சி அரசுகளின் பட்டியல்
• மராத்திய அரச குலங்கள் மற்றும் அரசுகள் பட்டியல்
• இந்தியாவின் அரசியல் ஒருங்கிணைப்பு
• போபால் இராச்சியம்
• குவாலியர் அரசு

• 
  அகில்யாபாய் ஓல்கர் கோட்டை, மஹேஷ்வர், இந்தூர் அரசு
• 
  மஹேஷ்வர் கோட்டை
• 
  மஹேஷ்வர் கோட்டை
• 
  நர்மதை ஆற்றின் கரையில் அகல்யாபாய் படித்துறை, மஹேஷ்வர்

விக்கிமீடியா பொதுவகத்தில்,
Indore State
என்பதில் ஊடகங்கள் உள்ளன.

• The Fabulous Cars of the Holkars of Indore
• Santa Ana's Richest Resident, The Maharajah of Indore பரணிடப்பட்டது 2017-11-12 at the வந்தவழி இயந்திரம்
• Royal Family of Indore

22°43′31″N 75°51′56″E / 22.7252°N 75.8655°E / 22.7252; 75.8655