Марына Аляксандраўна Шкроб

Марына Аляксандраўна Шкроб (13 жніўня 1967, в. Пухавічы, Пухавіцкі раён, Мінская вобласць) — беларускі ўрач, дэпутат Палаты прадстаўнікоў Нацыянальнага сходу Рэспублікі Беларусь 7 склікання^[1], член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[2].

Нарадзілася 13 жніўня 1967 года ў в. Пухавічы Мінскай вобласці.

У 1991 годзе скончыла Мінскі дзяржаўны медыцынскі інстытут па спецыяльнасці «Лячэбная справа». У 2003 годзе скончыла клінічную ардынатуру па акушэрстве і гінекалогіі^[3].

Працавала санітаркай, медыцынскай сястрой 5-й гарадской клінічнай бальніцы г. Мінска; урачом-акушэрам-гінеколагам радзільнага дома № 2 г. Мінска; урачом-акушэрам-гінеколагам, загадчыкам аддзялення 5-й гарадской клінічнай бальніцы г. Мінска; галоўным акушэрам-гінеколагам упраўлення аховы здароўя Мінскага абласнога выканаўчага камітэта; намеснікам галоўнага ўрача па акушэрска-гінекалагічнай дапамозе 5-й гарадской клінічнай бальніцы г. Мінска.

• ганаровыя граматы Міністэрства аховы здароўя Рэспублікі Беларусь, Мінскага абласнога выканаўчага камітэта, Мінскага гарадскога выканаўчага камітэта.
• нагрудны знак Міністэрства аховы здароўя Рэспублікі Беларусь «Выдатнік аховы здароўя Рэспублікі Беларусь».

.