Општина Чучер-Сандево

Општина Чучер-Сандево
Општина
Знаме Грб
Држава	Македонија
Регион	Скопски
Година кога е основана со закон	1996
Седиште	Чучер-Сандево
Населени места	Список Бањане, Блаце, Бразда, Брест, Бродец, Глуво, Горњане, Кучевиште, Мирковци, Побожје, Танушевци и Чучер-Сандево
Управа
• Градоначалник	Сашко Комненовиќ
Површина
• Вкупна	240,78 км2 (92,97 ми2)
Население (2021)[1]
• Вкупно	9.200
• Густина	38/км2 (99/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+02
Регистарски таблички	SK
Мреж. место	cucersandevo.gov.mk

Општина Чучер-Сандево (српски: Општина Чучер-Сандево) — општина во северниот дел на Македонија, основана во 1996 година. Седиште на општината е селото Чучер-Сандево. Ова е рурална општина сместена под падините на Скопска Црна Гора. Населена е со население од мешан етнички состав, предоминантно Македонци и Срби. На север и запад се граничи со Република Србија, на југ и исток со Град Скопје, а на североисток со Општина Липково.

Општинатата Чучер-Сандево се наоѓа на падините на Скопска Црна Гора, на север од Скопје. Таа зафаќа површина од 235 км² и има 8.493 жители.

Во состав на општината има повеќе села, од кои најголеми се Бразда, Глуво, Сандево, Мирковци, Чучер, Бањане, Горњане, Кучевиште, Побожје и други. Покрај овие населени места, во општината има и три поголеми викенд населби: Бродец, Сенора и Голиово.

Општината како посебна единица на локалната самоуправа била формирана во 1996 година. Во атарот на селото се наоѓа изворот на стариот римски водовод со кој преку аквадуктот се снабдувале со вода римските касарни.

Името на Сандево е добиено од народниот херој од Втората светска војна, Александар Урдаревски-Санде.

Во селото Чучер е родена познатата уметничка Зорка Ацковиќ-Метикош, изведувач на македонски народни песни и ора, која преку својата работа во познатиот македонски ансамбл за народни песни и ора „Танец“, придонела за негување и зачувување на македонското национално културно богатство.

Општината е богата и со многубројни манастири и цркви како што се св. Илија, св. Никита, св. Троица, св. Арангел. За љубителите на планините и убавата природа тука е и планината Скопска Црна Гора која нуди безброј трим патеки за планинарење и излетнички места.

Во општината како најразвиена стопанска гранка е земјоделието, потоа рудникот Бањани, како и повеќе приватни фирми: браварски, тулани, столарски, градежни стоваришта, ресторани, трговија и др.

Според последниот попис на населението на Македонија од 2002 година, Општина Чучер-Сандево брои 8.493 жители, чиј состав го сочинуваат:^[2]

Во Општината Чучер-Сандево се наоѓаат следните основни училишта:

• ОУ „Кирил и Методиј“
  • ПОУ „Кирил и Методиј“

Во основното училиште Кирил и Методиј (со едно подрачно училиште) учат вкупно 253 ученици во 18 паралелки. Наставата се одвива во две смени, и се следи на два јазика, на македонски јазик и на српски јазик.

• ОУ „Александар Урдаревски“
  • ПОУ „Александар Урдаревски“

Тоа се наоѓа во Сандево, а го сочинуваат и две подрачни училишта, во Долно Блаце и во Горно Блаце. Училиштето „Александар Урдаревски“ е изградено во 1963 година. Подрачното училиште во Долно Блаце е изградено во 1979, а во Горно Блаце во 1951. Вкупниот број на ученици кои го посетуваат ова училиште е 438, од прво до осмо одделение. Наставата се одвива во две смени во централното и една смена во подрачните училишта со вкупно 37 вработени (наставен и ненаставен кадар). Во основното училиште „Александар Урдаревски“ (со двете подрачни училишта) учат вкупно 438 ученици во 24 паралелки.

• ОУ „Михаљ Грамено“
  • ПОУ „Михаљ Грамено“ - Tанушевци

Во основното училиште „Михаљ Грамено“ (со двете подрачни училишта) учат вкупно 215 ученици во 15 паралелки.

Градоначалник на општина Чучер-Сандево е Јован Пејковски кој бил повторно избран како независен кандидат на локалните избори од 2017 година за трет мандат од четири години.^[3] Советот на општина Чучер-Сандево е составен од 11 члена. Според последните локални избори од 2017 година, членовите на советот според политичката припадност за мандатот 2017-2021 се:

• Александар Урдаревски-Санде
• Љубомир Рајчевски-Рајче
• Зорка Ацковиќ-Метикош

Секоја година во август во село Глуво се одржува Меморијален турнир Љубомир Рајчевски-Рајче во чест на истоимениот долгогодишен фудбалер на ФК Вардар. Главен покровител на турнирот се граѓаните на село Глуво.

• Портал на Општина Чучер-Сандево
• Општина Чучер-Сандево во „АБВ - деловен именик“ Архивирано на 6 март 2016 г.

п р у Општини во Македонија Арачиново Берово Битола Богданци Боговиње Босилово Брвеница Валандово Василево Вевчани Велес Виница Врапчиште Гевгелија Гостивар Градско Дебар Дебрца Делчево Демир Капија Демир Хисар Дојран Долнени Желино Зелениково Зрновци Илинден Јегуновце Кавадарци Карбинци Кичево Конче Кочани Кратово Крива Паланка Кривогаштани Крушево Куманово Липково Лозово Маврово и Ростуше Македонска Каменица Македонски Брод Могила Неготино Новаци Ново Село Охрид Петровец Пехчево Пласница Прилеп Пробиштип Радовиш Ранковце Ресен Росоман Свети Николе Сопиште Старо Нагоричане Струга Струмица Студеничани Теарце Тетово Центар Жупа Чашка Чешиново-Облешево Чучер-Сандево Штип Град Скопје Аеродром Бутел Гази Баба Ѓорче Петров Карпош Кисела Вода Сарај Центар Чаир Шуто Оризари Административна поделба на Македонија

п р у Населени места во Општина Чучер-Сандево Бањане Блаце Бразда Брест Бродец Глуво Горњане Кучевиште Мирковци Побожје Танушевци Чучер-Сандево