தாமான் பகாகியா எல்ஆர்டி நிலையம்

KJ23  தாமான் பகாகியா Taman Bahagia LRT Station
தாமான் பகாகியா எல்ஆர்டி நிலையம் (2022)
பொது தகவல்கள்
வேறு பெயர்கள்	Stesen LRT Taman Bahagia 幸福花園站
அமைவிடம்	SS 3/59E; SS 2/3, பிரிவு SS 3/59E; SS 2/3; பெட்டாலிங் ஜெயா சிலாங்கூர்  மலேசியா
ஆள்கூறுகள்	3°06′38″N 101°36′45″E / 3.11056°N 101.61250°E / 3.11056; 101.61250
உரிமம்	பிரசரானா
இயக்குபவர்	ரேபிட் ரெயில்[1]
தடங்கள்	கிளானா ஜெயா வழித்தடம்
நடைமேடை	2 பக்க மேடை
இருப்புப் பாதைகள்	2
இணைப்புக்கள்	ரேபிட் கேஎல்; பெட்டாலிங் ஜெயா இலவசப் பேருந்து
கட்டமைப்பு
கட்டமைப்பு வகை	உயர்த்தப்பட்ட நிலையம்
தரிப்பிடம்	கட்டணம் (68) மாநகராட்சி
துவிச்சக்கர வண்டி வசதிகள்	(20)
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KJ23
வரலாறு
திறக்கப்பட்டது	1 செப்டம்பர் 1998
சேவைகள்
முந்தைய நிலையம்   ரேபிட் கேஎல்   அடுத்த நிலையம் தாமான் பாராமவுண்ட் கோம்பாக் எல்ஆர்டி   கிளானா ஜெயா வழித்தடம்   கிளானா ஜெயா புத்ரா அயிட்ஸ்
அமைவிடம் தாமான் பகாகியா எல்ஆர்டி நிலையம்

தாமான் பகாகியா எல்ஆர்டி நிலையம் அல்லது தாமான் பகாகியா இலகு விரைவுப் போக்குவரத்து நிலையம் (ஆங்கிலம்: Taman Bahagia LRT Station; மலாய்: Stesen LRT Taman Bahagia; சீனம்: 幸福花園站) என்பது மலேசியா, கோலாலம்பூர், கிளானா ஜெயா வழித்தடத்தில் உயர்த்தப்பட்ட இலகுரக விரைவுப் போக்குவரத்து (LRT) நிலையமாகும்.^[2]

இந்த நிலையத்தின் வழித்தடம் முன்பு புத்ரா வழித்தடம் என்று அழைக்கப்பட்டது. பசார் செனி இலகுத் தொடருந்து நிலையம் தொடங்கி கிளானா ஜெயா எல்ஆர்டி நிலையம் வரையிலான முதலாவது கட்டமைப்புப் பிரிவில் 10 நிலையங்கள் கட்டப்பட்டன. அவற்றில் ஒரு பகுதியாக 1 செப்டம்பர் 1998 அன்று இந்த நிலையம் திறக்கப்பட்டது.

அந்தக் கட்டமைப்புப் பிரிவில் கோலாலம்பூர் சென்ட்ரல் சேர்க்கப்படவில்லை. தாமான் பகாகியா எல்ஆர்டி நிலையம் திறக்கப்பட்ட பின்னர் தான் கோலாலம்பூர் சென்ட்ரல் நிலையம் திறக்கப்பட்டது. இந்த நிலையத்திற்கான பராமரிப்பு கிடங்கு லெம்பா சுபாங் புறநகர்ப்பகுதியில் உள்ளது.

இந்த நிலையம் 1995 மற்றும் 1998 க்கு இடையில் கட்டப்பட்டது. அப்போது அந்த இடத்தில் தாமான் கெலோரா (Taman Gelora) எனும் 25 ஒற்றை மாடி குடியிருப்பு இருந்தது. இந்த நிலையம் SS 2/3 சாலையில், டாமன்சாரா-பூச்சோங் விரைவுச்சாலையின் தாமான் மேகா இடைமாற்றத்திற்கு அருகில் அமைந்துள்ளது.

தாமான் பகாகியா நிலையம் பெட்டாலிங் ஜெயாவின் பிரிவு SS 3/59E; SS 2/3-இல் அமைந்துள்ளது; மற்றும் பல தொழில்துறை, வணிக மற்றும் குடியிருப்புப் பகுதிகளுக்கு அருகிலும் அமைந்துள்ளது.

அத்துடன் பிரிவு SS 3/59E; SS 2/3|பிரிவு SS1-க்கு அருகாமையிலும் உள்ளது. அத்துடன், இந்த நிலையத்திற்கு அருகில் டாமன்சாரா ஜெயா (SS22); டாமன்சாரா உத்தாமா (SS21) ஆகிய புறநகர்ப் பகுதிகள் உள்ளன.

தாமான் பகாகியா எல்ஆர்டி நிலையம், கிளானா ஜெயா வழித்தடத்தின் உயர்த்தப்பட்ட சில நிலையங்களைப் போலவே, இரண்டு அடுக்கு நிலைகளைக் கொண்ட ஒரு நிலையமாகும்: தெரு மட்டத்தில் ஒரு நுழைவு நிலை; உயர்த்தப்பட்ட ஒரு நிலை; என இரண்டு நிலைகள் உள்ளன.

இந்த நிலையத்தின் அனைத்து அடுக்கு நிலைகளும், மின்படிக்கட்டுகள் மற்றும் படிக்கட்டுகள் வழியாக இணைக்கப்பட்டுள்ளன.

அதே வேளையில், தொடருந்து நின்று செல்லும் இடத்திற்கும் நடைபாதைக்கும் இடையில் சுமைதூக்கிச் சேவையும் வழங்கப்படுகிறது.

கிளானா ஜெயா வழித்தடம் அல்லது கிளானா ஜெயா இலகு தொடருந்து வழித்தடம் (LRT Kelana Jaya Line) என்பது மலேசியா கிள்ளான் பள்ளத்தாக்கு பகுதியில் அமைந்துள்ள ஓர் இலகு விரைவு தொடருந்து வழித்தடம் (Light Rapid Transit Line) (LRT) ஆகும். இந்த வழித்தடம் மலேசியாவில் முதல் முழு தானியங்கி மற்றும் ஓட்டுநர் இல்லாத தொடருந்து அமைப்பைக் கொண்டதாகும்.^[3]

மலேசியாவின் கோலாலம்பூர் மற்றும் அதைச் சுற்றியுள்ள கிள்ளான் பள்ளத்தாக்கு பகுதியில் அமல்படுத்தப்பட்ட கிள்ளான் பள்ளத்தாக்கு ஒருங்கிணைந்த போக்குவரத்து அமைப்பில் (Klang Valley Integrated Transit System) இந்த வழித்தடம் ஒரு பகுதியாகும். இந்த வழித்தடத்தில் 37 நிலையங்கள் உள்ளன. 46.4 கிமீ நீளமுள்ள பாதையில் பெரும்பாலும் நிலத்தடி மற்றும் உயரமான மேம்பால அடுக்குகளில் எல்ஆர்டி நிலையங்கள் இயங்குகின்றன.

பெட்டாலிங் ஜெயாவில் உள்ள ரேபிட் கேஎல் பேருந்து நிறுத்தங்களில் இந்த நிலையமும் ஒன்றாகும். இந்த நிலையத்தில் பேருந்து நிறுத்தமும் உள்ளது.

பேருந்து	தொடக்கம்	இலக்கு
T783	KJ23  தாமான் பகாகியா எல்ஆர்டி நிலையம்	SS6, PJ03, PJ04, PJ05 பெட்டாலிங் ஜெயா நகர மையம்
T784	KJ23  தாமான் பகாகியா எல்ஆர்டி நிலையம்	SS6, PJ03, PJ04, PJ05 பெட்டாலிங் ஜெயா நகர மையம்

• மலேசிய தொடருந்து போக்குவரத்து
• கோலாலம்பூர் பேருந்து வழித்தடங்களின் பட்டியல்
• பெட்டாலிங் ஜெயா நகரப் பிரிவுகளின் பட்டியல்
• கிள்ளான் பள்ளத்தாக்கின் ஒருங்கிணைந்த போக்குவரத்து அமைப்பு

• பொதுவகத்தில் Taman Bahagia LRT station தொடர்பாக ஊடகக் கோப்புகள் உள்ளன.