கோலாலம்பூர் கம்போங் முகிபா (Kampung Muhibbah) குடியிருப்புப் பகுதியில் உள்ளது. கம்போங் முகிபா என்பது ஒரு கிராமமாகும். கோலாலம்பூரில் இருந்து தெற்கே 21 கி.மீ. தொலைவில் உள்ளது. முகிபா எல்ஆர்டி நிலையம், கம்போங் முகிபா மற்றும் பார்க்லேன் ஓயூஜி அடுக்குமாடி வீடுகளுக்கு (Parklane OUG Service Apartments) அருகில் 1.0 கி.மீ. நடை தூரத்தில் உள்ள நிலையமாகும்.[3][4]
கிள்ளான் பள்ளத்தாக்கில் இயங்கும் மற்ற எல்ஆர்டி நிலையங்களைப் போலவே, இந்த நிலையமும் உயர்த்தப்பட்ட நிலையமாகும்.
இஸ்டார் எல்ஆர்டி அமைப்பின் (STAR-LRT System) இரண்டாம் கட்டத்தின் ஒரு பகுதியாக 15 கி.மீ. தொலைவிற்கு 7 நிலையங்கள் கட்டப்பட்டன. அந்த நிலையங்களில் இந்த முகிபா எல்ஆர்டி நிலையமும் ஒன்றாகும். இந்த நிலையம் 11 சூலை 1998 அன்று திறக்கப்பட்டது. இந்த நிலையத்தில் திறந்தவெளி வாகன நிறுத்துமிடங்கள் உள்ளன.
இந்த இரு வழித்தடங்களின் ஒருங்கிணைந்த வலையமைப்பு 36 நிலையங்களைக் கொண்டது; மற்றும் 45.1 கிலோமீட்டர் (28.0 மைல்) நீளம் கொண்ட தடங்களைக் கொண்டுள்ளது. மலேசியாவில் செந்தர இரும்புப் பாதை மற்றும் தானியங்கி தொடருந்துகளைப் பயன்படுத்திய முதல் வழித்தடங்கள் இவைவே ஆகும்.
