ஜெராய் மக்களவைத் தொகுதி (மலாய்: Kawasan Persekutuan Jerai; ஆங்கிலம்: Jerai Federal Constituency; சீனம்: 日赖联邦选区) என்பது மலேசியா, கெடா மாநிலத்தில், யான் மாவட்டம் (Yan District); கோலா மூடா மாவட்டம் (Kuala Muda District) ஆகிய மாவட்டங்களில் அமைந்துள்ள ஒரு மக்களவைத் தொகுதி (P011) ஆகும்.[4]
ஜெராய் தொகுதி 1958-ஆம் ஆண்டில் உருவாக்கப்பட்டது. முதல் தேர்தல் 1958-ஆம் ஆண்டில் நடைபெற்றது. 1995-ஆம் ஆண்டில் இந்தத் தொகுதி நீக்கப்பட்டது. 2003-ஆம் ஆண்டில் மறுசீரமைப்பு செய்யப்பட்டு மீண்டும் அதே பெயரில் புதிய ஒரு தொகுதியாக உருவாக்கப்பட்டது.
2003-ஆம் ஆண்டில் இருந்து ஜெராய் மக்களவைத் தொகுதி, மலேசிய நாடாளுமன்றத்தில் பிரதிநிதிக்கப் படுகிறது. 1969 - 1971-ஆம் ஆண்டுகளில் மலேசிய நாடாளுமன்றம் கலைக்கப்பட்டதால் நாடாளுமன்றக் கூட்டத் தொடர்கள் நடைபெறவில்லை.
2022 அக்டோபர் 31-ஆம் தேதி வெளியிடப்பட்ட மலேசியக் கூட்டரசு அரசிதழின் படி (Federal Gazette issued on 31 October 2022), ஜெராய் தொகுதி 53 தேர்தல் வட்டாரங்களாக (Polling Districts) பிரிக்கப்பட்டது.[5]
யான் மாவட்டம் மலாக்கா நீரிணையின் கடற்கரைப் பகுதியில் உள்ளது. இது கெடாவின் மிகச் சிறிய மாவட்டம் ஆகும். "யான் பெசார்" என்பது யான் மாவட்டத்தின் நிர்வாக நகரமாகும்.
கோலா மூடா மாவட்டம்
இந்த மாவட்டம் கெடா, பினாங்கு மாநிலங்களின் எல்லைக்கு அருகாமையில் உள்ளது. தீக்காம் பத்து, பாடாங் தெம்புசு, சுங்கை லாலாங், பீடோங், புக்கிட் செலம்பாவ், சீடாம், குரூண், செமெலிங், மெர்போக், கோத்தா கோலா மூடா, தஞ்சோங் டாவாய் ஆகியவை கோலா மூடா மாவட்டத்தில் உள்ள முக்கிய நகரங்கள் ஆகும்.
கோலா மூடா மாவட்டம், கெடா மாநிலத்தில் அதிக மக்கள் தொகை கொண்ட இரண்டாவது மாவட்டம் ஆகும். மலேசியாவில் புரதான நாகரிகங்கள் தோன்றிய இடமாகவும் இந்த இடம் கருதப் படுகிறது.[6]
