செனவாங் கொமுட்டர் நிலையம்

செனவாங்
KB15  | கொமுட்டர் Senawang Komuter Station
செனவாங் கொமுட்டர் நிலையம் (2018)
பொது தகவல்கள்
அமைவிடம்	செனவாங் நெகிரி செம்பிலான்  மலேசியா
ஆள்கூறுகள்	2°41′21.1″N 101°58′20.1″E / 2.689194°N 101.972250°E / 2.689194; 101.972250
உரிமம்	மலாயா தொடருந்து
இயக்குபவர்	மலாயா தொடருந்து
தடங்கள்	பத்துமலை–புலாவ் செபாங் மேற்கு கடற்கரை
நடைமேடை	2 பக்க நடைமேடை
இருப்புப் பாதைகள்	2
கட்டமைப்பு
தரிப்பிடம்	கட்டணம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KB15
வரலாறு
திறக்கப்பட்டது	KB15  14 மே 2011
மின்சாரமயம்	2011
சேவைகள்
முந்தைய நிலையம்   மலாயா தொடருந்து   அடுத்த நிலையம்     சிரம்பான் பத்துமலை    புலாவ் செபாங்    காடுட் தம்பின்
அமைவிடம் செனவாங் நிலையம்

செனவாங் கொமுட்டர் நிலையம் (ஆங்கிலம்: Senawang Komuter Station; மலாய்: Stesen Komuter Senawang) என்பது மலேசியா, நெகிரி செம்பிலான், சிரம்பான் மாவட்டம், செனவாங் நகர்ப்பகுதியில் அமைந்துள்ள கொமுட்டர் நிலையம் ஆகும். செனவாங் நகரத்தில் இந்த நிலையம் அமைந்துள்ளதால், செனவாங் நகரத்தின் பெயரில் அதற்கும் பெயரிடப்பட்டது.^[1]

பத்துமலை-புலாவ் செபாங் வழித்தடத்தில் அமைந்துள்ள இந்த நிலையம் கேடிஎம் கொமுட்டர் தொடருந்துகளால் சேவை செய்யப்படுகிறது. 2011-ஆம் ஆண்டில், இந்த நிலையத்தில் கேடிஎம் கொமுட்டர் சேவை அறிமுகம் செய்யப்பட்டது. 14 மே 2011-ஆம் தேதி முதல் கொமுட்டர் தொடருந்து இந்த நிலையத்தில் இருந்து தன் பயணத்தைத் தொடங்கியது.^[2]

சிரம்பான் மற்றும் கிம்மாஸ் இடையே இரட்டை தடம் மற்றும் மின்மயமாக்கல் திட்டத்தின் ஒரு பகுதியாக இந்த நிலையம் கட்டப்பட்டது. மலாயா தொடருந்து நிறுவனத்தின் மலாயா கடற்கரை மேற்குத் தொடருந்து வழித்தடத்தில் இரட்டைப் பாதை மற்றும் ஒற்றைப் பாதைகளை மின்மயமாக்கும் திட்டத்தை மின்மயமாக்கல் திட்டம் என அறியப்படுகிறது.

7 சனவரி 2008-இல், MYR 3.45 பில்லியன் மதிப்புள்ள சிரம்பான் - கிம்மாஸ் இரட்டைப் பாதை மின்மயமாக்கல் திட்டம், இந்திய நிறுவனமான இர்கான் இன்டர்நேசனல் (Ircon International) நிறுவனத்திடம் ஒப்படைக்கப்பட்டது.^[3]

100 கி.மீ. (62 மைல்) சிரம்பான் - சுங்கை காடுட் இரட்டைப் பாதை திட்டம் 2010-ஆம் ஆண்டிலும், கிம்மாஸ் இரட்டைப் பாதை திட்டம் 2012-ஆம் ஆண்டிலும் முடிக்க திட்டமிடப்பட்டது.^[4] இந்தத் திட்டம் 30 அக்டோபர் 2013-இல் நிறைவடைந்தது.^{[5] [6]}

இந்த நிலையம் செனவாங்கிற்கு மட்டுமல்லாமல் அதன் சுற்றுப்புறத்தில் உள்ள கிராமப்பகுதிகளுக்கும் சேவை செய்கிறது. சிரம்பான் மாநகரின் வெளிப்புற புறநகர்ப் பகுதிகளான பாரோய், ரகாங், பாரஸ்ட் அயிட்ஸ், தாமான் சிரம்பான் ஜெயா போன்ற பகுதிகளுக்கும் இந்த நிலையத்தின் சேவை வழங்கப்படுகிறது.

அத்துடன் வடக்கு தெற்கு அதிவேக நெடுஞ்சாலையின் அருகிலும் இந்த நிலையம் அமைந்துள்ளது.

செனவாங் நிலையக் காட்சிப் படங்கள் (2015 - 2023):

• செனவாங்
• கேடிஎம் கொமுட்டர்
• சிரம்பான் தொடருந்து நிலையம்
• மலேசியாவில் தொடருந்து மின்மயமாக்கல்
• புலாவ் செபாங் தம்பின் தொடருந்து நிலையம்

• Keretapi Tanah Melayu Official Website
• Ipoh-Padang Besar Electrified Double Tracking Project website பரணிடப்பட்டது 2021-02-23 at the வந்தவழி இயந்திரம்