வாவாசான் எல்ஆர்டி நிலையம்

**KJ33**
வாவாசான்

Wawasan LRT Station
KJ33 வாவாசான் Wawasan LRT Station
	வாவாசான் எல்ஆர்டி நிலையம் (2017)
பொது தகவல்கள்
வேறு பெயர்கள்	Stesen LRT Wawasan (மலாய்) ; 大班 (சீனம்)
அமைவிடம்	பெர்சியாரான் கெவாஜிப்பான், USJ14 47630 சுபாங் ஜெயா; சிலாங்கூர் மலேசியா
ஆள்கூறுகள்	3°02′52″N 101°35′25″E / 3.04778°N 101.59028°E
உரிமம்	பிரசரானா
இயக்குபவர்	ரேபிட் ரெயில்
தடங்கள்	கிளானா ஜெயா
நடைமேடை	2 தீவு மேடைகள்
இருப்புப் பாதைகள்	2
இணைப்புக்கள்	ரேபிட் கேஎல்
கட்டமைப்பு
கட்டமைப்பு வகை	உயர்த்தப்பட்ட நிலையம்
நடைமேடை அளவுகள்	3
தரிப்பிடம்	கட்டணம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KJ33
வரலாறு
திறக்கப்பட்டது	30 சூன் 2016
சேவைகள்

வாவாசான் எல்ஆர்டி நிலையம் அல்லது வாவாசான் இலகு விரைவுப் போக்குவரத்து நிலையம் (ஆங்கிலம்: Wawasan LRT Station; மலாய்: Stesen LRT Wawasan; சீனம்: 轻轨站见解) என்பது மலேசியா, கோலாலம்பூர், கிளானா ஜெயா வழித்தடத்தில் உயர்த்தப்பட்ட இலகுரக விரைவுப் போக்குவரத்து (LRT) நிலையமாகும்.^[2]

இந்த நிலையம் சிலாங்கூர், சுபாங் ஜெயா, USJ 13, USJ 14, USJ 19 சுற்றுப்புறங்களை இணைக்கிறது.^[3]

அமைவு

கிள்ளான் பள்ளத்தாக்கு இலகு விரைவுப் போக்குவரத்து விரிவாக்கத் திட்டம், கிளானா ஜெயா எல்ஆர்டி நிலையம் தொடங்கி புத்ரா அயிட்ஸ் எல்ஆர்டி நிலையம் வரை நீடித்தது.

சுபாங் ஜெயா விவேகப் பள்ளியின் வளாகத்திற்கு அருகில் (Kompleks Sekolah Wawasan Subang Jaya) இந்த நிலையம் அமைந்து இருப்பதால், வாவாசான் எனும் பெயரும் இந்த நிலையத்திற்குச் சூட்டப்பட்டது.

சுபாங் ஜெயா யூஎஸ்ஜே 13, யூஎஸ்ஜே 14, யூஎஸ்ஜே 19

சுபாங் ஜெயா மாநகர்ப் பகுதியில், பண்டார் சன்வே (Bandar Sunway) நகர்ப் பகுதியைச் சேர்ந்த யூஎஸ்ஜே 13, யூஎஸ்ஜே 14, யூஎஸ்ஜே 19 குடியிருப்புப் பகுதிகளை இந்த மாநகரப் பகுதி கொண்டுள்ளது.

யூஎஸ்ஜே சுபாங் ஜெயா (USJ Subang Jaya) அல்லது யூஇபி சுபாங் ஜெயா (UEP Subang Jaya) என்பது சுபாங் ஜெயா மாநகராட்சியின் கீழ் உள்ள நகர்ப்பகுதியாகும். யுனைடெட் புராஜெக்ட்ஸ் எஸ்டேட்ஸ் - சுபாங் ஜெயா (United Projects Estates Bhd. Subang Jaya) என்பதன் சுருக்கமே யூஎஸ்ஜே சுபாங் ஜெயா (USJ) ஆகும்.

கிளானா ஜெயா வழித்தடம்

கிளானா ஜெயா வழித்தடம் அல்லது கிளானா ஜெயா இலகு விரைவு தொடருந்து வழித்தடம்' (LRT Kelana Jaya Line) என்பது மலேசியா கிள்ளான் பள்ளத்தாக்கு பகுதியில் அமைந்துள்ள ஓர் இலகு விரைவு தொடருந்து வழித்தடம் (Light Rapid Transit Line) (LRT) ஆகும்.

இந்த வழித்தடம் மலேசியாவில் முதல் முழு தானியங்கி மற்றும் ஓட்டுநர் இல்லாத தொடருந்து அமைப்பைக் கொண்டதாகும்.^[4]

ஒருங்கிணைந்த போக்குவரத்து அமைப்பு

இந்த வழித்தடம் மலேசியாவின் கோலாலம்பூர் மற்றும் அதைச் சுற்றியுள்ள கிள்ளான் பள்ளத்தாக்கு பகுதியில் அமல்படுத்தப்பட்ட ஒருங்கிணைந்த போக்குவரத்து அமைப்பின் (Klang Valley Integrated Transit System) ஒரு பகுதியாகும்.

கிளானா ஜெயா வழித்தடத்தில் 37 நிலையங்கள் உள்ளன. 46.4 கிமீ நீளமுள்ள பாதையில் பெரும்பாலும் நிலத்தடி மற்றும் உயரமான மேம்பால அடுக்குகளில் எல்ஆர்டி நிலையங்கள் இயங்குகின்றன.^[5]

பேருந்து சேவைகள்

பேருந்து	தொடக்கம்	இலக்கு	பயண வழி
777	KJ32 தைப்பான் எல்ஆர்டி நிலையம்	KJ33 வாவாசான் எல்ஆர்டி நிலையம்	KJ33 வாவாசான் எல்ஆர்டி நிலையம்