ஆசியா ஜெயா எல்ஆர்டி நிலையம்

KJ21  ஆசியா ஜெயா Asia Jaya LRT Station
ஆசியா ஜெயா எல்ஆர்டி நிலையம் (2024)
பொது தகவல்கள்
வேறு பெயர்கள்	Stesen LRT Asia Jaya 亚洲再也轻轨站
அமைவிடம்	உத்தாரா சாலை; சாலை 51A/223; பிரிவு 51A; பெட்டாலிங் ஜெயா சிலாங்கூர்  மலேசியா
ஆள்கூறுகள்	3°6′15″N 101°38′16″E / 3.10417°N 101.63778°E / 3.10417; 101.63778
உரிமம்	பிரசரானா
இயக்குபவர்	ரேபிட் ரெயில்[1]
தடங்கள்	கிளானா ஜெயா வழித்தடம்
நடைமேடை	2 பக்க மேடை
இருப்புப் பாதைகள்	2
கட்டமைப்பு
கட்டமைப்பு வகை	உயர்த்தப்பட்ட நிலையம்
தரிப்பிடம்	இலவசம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KJ21
வரலாறு
திறக்கப்பட்டது	1 செப்டம்பர் 1998
சேவைகள்
முந்தைய நிலையம்   ரேபிட் கேஎல்   அடுத்த நிலையம் தாமான் ஜெயா கோம்பாக் எல்ஆர்டி   கிளானா ஜெயா வழித்தடம்   பாராமவுண்ட் எல்ஆர்டி புத்ரா அயிட்ஸ்
அமைவிடம் ஆசியா ஜெயா எல்ஆர்டி நிலையம்

ஆசியா ஜெயா எல்ஆர்டி நிலையம் அல்லது ஆசியா ஜெயா இலகு விரைவுப் போக்குவரத்து நிலையம் (ஆங்கிலம்: Asia Jaya LRT Station; மலாய்: Stesen LRT Asia Jaya; சீனம்: 亚洲再也轻轨站) என்பது மலேசியா, கோலாலம்பூர், கிளானா ஜெயா வழித்தடத்தில் உயர்த்தப்பட்ட இலகுரக விரைவுப் போக்குவரத்து (LRT) நிலையமாகும்.^[2]

இந்த நிலையத்தின் வழித்தடம் முன்பு புத்ரா வழித்தடம் என்று அழைக்கப்பட்டது. பசார் செனி இலகுத் தொடருந்து நிலையம் தொடங்கி கிளானா ஜெயா எல்ஆர்டி நிலையம் வரையிலான முதலாவது கட்டமைப்புப் பிரிவில் 10 நிலையங்கள் கட்டப்பட்டன. அவற்றில் ஒரு பகுதியாக 1 செப்டம்பர் 1998 அன்று இந்த நிலையம் திறக்கப்பட்டது.^[3]

அந்தக் கட்டமைப்புப் பிரிவில் கோலாலம்பூர் சென்ட்ரல் சேர்க்கப்படவில்லை. ஆசியா ஜெயா எல்ஆர்டி நிலையம் திறக்கப்பட்ட பின்னர் தான் கோலாலம்பூர் சென்ட்ரல் நிலையம் திறக்கப்பட்டது. இந்த நிலையத்திற்கான பராமரிப்பு கிடங்கு லெம்பா சுபாங் புறநகர்ப்பகுதியில் உள்ளது.

ஆசியா ஜெயா நிலையம் பெட்டாலிங் ஜெயாவின் பிரிவு 14-இல் அமைந்துள்ளது; மற்றும் பல தொழில்துறை, வணிக மற்றும் குடியிருப்புப் பகுதிகளுக்கு அருகிலும் அமைந்துள்ளது.

அத்துடன் பெட்டாலிங் ஜெயா 14-க்கு நடந்து செல்லும் தூரத்திலும் உள்ளது. அத்துடன், அருகிலுள்ள தாமான் ஜெயா எல்ஆர்டி நிலையம் ஏறக்குறைய 900 மீட்டர் தொலைவிலும் உள்ளது

பெட்டாலிங் ஜெயா பிரிவு 14-இல் உள்ள ஆசியா ஜெயா வணிக வளாகம் (Asia Jaya Shopping Complex) என்பதிலிருந்து இந்த நிலையம் அதன் பெயரைப் பெற்றது. ஆசியா ஜெயா வணிக வளாகம் என்பது பெட்டாலிங் ஜெயாவில் ஒரு பிரபலமான வணிக வளாகம் ஆகும். இருப்பினும் இந்த வணிக வளாகம் 1990-களில் அர்மடா தங்கும் விடுதியாக (Armada Hotel) மாற்றப்பட்டது.

மேலும் ஒரு சிறப்பு என்னவென்றால் இந்த நிலையம், கோலாலம்பூர்-கிள்ளான் நெடுஞ்சாலைக்கு மிக அருகில், அதாவ்து 300 மீட்டர் தொலைவில் அமைந்துள்ளது.

ஆசியா ஜெயா எல்ஆர்டி நிலையம், கிளானா ஜெயா வழித்தடத்தின் மற்ற உயர்த்தப்பட்ட நிலையங்களைப் போலவே, மூன்று அடுக்கு நிலைகளைக் கொண்ட ஓர் எளிமையான நிலையமாகும்: தெரு மட்டத்தில் ஒரு நுழைவு நிலை; மற்றும் நடைபாதையில் ஒரு நிலை என இரண்டு நிலைகள் உள்ளன.

இந்த நிலையத்தின் அனைத்து அடுக்கு நிலைகளும், மின்படிக்கட்டுகள் மற்றும் படிக்கட்டுகள் வழியாக இணைக்கப்பட்டுள்ளன.

அதே வேளையில், தொடருந்து நின்று செல்லும் இடத்திற்கும் நடைபாதைக்கும் இடையில் சுமைதூக்கிச் சேவையும் வழங்கப்படுகிறது.

கிளானா ஜெயா வழித்தடம் அல்லது கிளானா ஜெயா இலகு தொடருந்து வழித்தடம் (LRT Kelana Jaya Line) என்பது மலேசியா கிள்ளான் பள்ளத்தாக்கு பகுதியில் அமைந்துள்ள ஓர் இலகு விரைவு தொடருந்து வழித்தடம் (Light Rapid Transit Line) (LRT) ஆகும். இந்த வழித்தடம் மலேசியாவில் முதல் முழு தானியங்கி மற்றும் ஓட்டுநர் இல்லாத தொடருந்து அமைப்பைக் கொண்டதாகும்.^[4]

மலேசியாவின் கோலாலம்பூர் மற்றும் அதைச் சுற்றியுள்ள கிள்ளான் பள்ளத்தாக்கு பகுதியில் அமல்படுத்தப்பட்ட கிள்ளான் பள்ளத்தாக்கு ஒருங்கிணைந்த போக்குவரத்து அமைப்பில் (Klang Valley Integrated Transit System) இந்த வழித்தடம் ஒரு பகுதியாகும். இந்த வழித்தடத்தில் 37 நிலையங்கள் உள்ளன. 46.4 கிமீ நீளமுள்ள பாதையில் பெரும்பாலும் நிலத்தடி மற்றும் உயரமான மேம்பால அடுக்குகளில் எல்ஆர்டி நிலையங்கள் இயங்குகின்றன.

• மலேசிய தொடருந்து போக்குவரத்து
• கோலாலம்பூர் பேருந்து வழித்தடங்களின் பட்டியல்
• பெட்டாலிங் ஜெயா நகரப் பிரிவுகளின் பட்டியல்
• கிள்ளான் பள்ளத்தாக்கின் ஒருங்கிணைந்த போக்குவரத்து அமைப்பு

• பொதுவகத்தில் Asia Jaya LRT Station தொடர்பாக ஊடகக் கோப்புகள் உள்ளன.