உயர்த்தப்பட்ட நிலையில் அமைக்கப்பட்டுள்ள இந்த நிலையம், சிலாங்கூர், சா ஆலாம், சுபாங் ஜெயா, புத்ரா அயிட்ஸ், பெர்சியாரான் புத்ரா இண்டா அருகில் அமைந்துள்ளது.
பிரசரானாவின் போக்குவரத்து விரிவாக்கத் திட்டத்தின் கீழ் உருவாக்கப்பட்ட 25 நிலையங்களில் இந்த நிலையமும் ஒன்றாகும். இந்த நிலையம் சூன் 2016-இல், திறக்கப்பட்டது. சுபாங் ஜெயா, புத்ரா அயிட்ஸ் பகுதியில் இந்த நிலையம் அமைந்து இருப்பதால், புத்ரா அயிட்ஸ் எனும் பெயர் இந்த நிலையத்திற்கும் சூட்டப்பட்டது.[4]
தனித்தனி வழித்தடங்கள்=
கிள்ளான் பள்ளத்தாக்கின் மிகப்பெரிய தொடருந்து நிலையங்களில் இதுவும் ஒன்றாகும். இந்த நிலையம் 2 பக்க மேடைகள் மற்றும் 1 தீவு மேடையுடன் நான்கு மேடைகளைக் கொண்டுள்ளது.
இரண்டு வழித்தடங்களிலும் உருவாக்கப்பட்ட வெவ்வேறு தொடருந்து அமைப்பின் காரணமாக, அவை ஒரே வழித்தடத்தைப் பகிர்ந்து கொள்ளாமல், அதற்குப் பதிலாக அவற்றுக்கான தனித்தனி வழித்தடத்தைப் பயன்படுத்துகின்றன. புத்ரா அயிட்ஸ் எல்ஆர்டி நிலையம், சிறப்பான ஓர் உள்கட்டமைப்பைக் கொண்ட நிலையமாக அறியப்படுகிறது.
கிளானா ஜெயா வழித்தடம்
கிளானா ஜெயா வழித்தடம் அல்லது கிளானா ஜெயா இலகு விரைவு தொடருந்து வழித்தடம் (LRT Kelana Jaya Line) என்பது மலேசியாகிள்ளான் பள்ளத்தாக்கு பகுதியில் அமைந்துள்ள ஓர் இலகு விரைவு தொடருந்து வழித்தடம் (Light Rapid Transit Line) (LRT) ஆகும்.
இந்த வழித்தடம் மலேசியாவின் கோலாலம்பூர் மற்றும் அதைச் சுற்றியுள்ள கிள்ளான் பள்ளத்தாக்கு பகுதியில் அமல்படுத்தப்பட்ட ஒருங்கிணைந்த போக்குவரத்து அமைப்பின் (Klang Valley Integrated Transit System) ஒரு பகுதியாகும்.
கிளானா ஜெயா வழித்தடத்தில் 37 நிலையங்கள் உள்ளன. 46.4 கிமீ நீளமுள்ள பாதையில் பெரும்பாலும் நிலத்தடி மற்றும் உயரமான மேம்பால அடுக்குகளில் எல்ஆர்டி நிலையங்கள் இயங்குகின்றன.[6]
.jpg)
