Гета ў Косаве

Гета ў Косаве (канец чэрвеня 1941 — 25 жніўня 1942) — яўрэйскае гета, месца прымусовага перасялення яўрэяў горада Косава Івацэвіцкага раёна падчас Халакосту.

Перад вайной яўрэі складалі 2/3 насельніцтва Косава. 26 (25^[1]) чэрвеня 1941 мястэчка заняў вермахт^[2]. Акупацыя доўжылася да 13 ліпеня 1944 года^[1].

У канцы чэрвеня 1941 года немцы, рэалізуючы нацысцкую праграму знішчэння яўрэяў, стварылі ў квартале на ўскраіне мястэчка гета, сагнаўшы туды каля 4000 яўрэяў, у тым ліку і прыгнаных у пачатку кастрычніка 1941 года яўрэяў з бліжэйшых вёсак^{[3][2][4][5][6]}.

У верасні 1942 года гета было цалкам знішчана. Усяго ў Косаве было забіта каля 4500 яўрэяў^[7][8].

На брацкай магіле вязняў гета ва ўрочышчы Мерачоўшчына, дзе летам 1942 года гітлераўцы і паліцаі забівалі яўрэяў з Косаўскага гета, узведзены помнік забітым.

У ліпені 2011 года ва ўрочышчы Ялаваста, дзе таксама праводзіліся расстрэлы, усталяваны мемарыяльны камень^[9][10].

• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Адамушко В. И., Бирюкова О. В., Крюк В. П., Кудрякова Г. А. Справочник о местах принудительного содержания гражданского населения на оккупированной территории Беларуси 1941—1944. — Мн.: Национальный архив Республики Беларусь, Государственный комитет по архивам и делопроизводству Республики Беларусь, 2001. — 158 с. — 2000 экз. — ISBN 985-6372-19-4.
• В.П. Касько, Г.К. Кисялёў, У.М. Макар i iнш. (рэдкал.), М.В. Банасевіч, В.П. Касько i iнш.(укладальнікi). «Памяць. Iвацэвіцкi раён». — Мн.: «БЕЛТА», 1997. — 496 с. — ISBN 985-6302-06-4.