Гета ў Тамашоўцы

Гета ў Тамашоўцы (ліпень 1942) — яўрэйскае гета, месца прымусовага перасялення яўрэяў у пасёлку Тамашоўка Брэсцкага раёна і бліжэйшых населеных пунктаў падчас Халакосту.

У чэрвені 1941 года вёска Тамашоўка была захоплена вермахтам і знаходзілася пад нямецкай акупацыяй да 22 ліпеня 1944 года^[1][2].

У ліпені 1942 года немцы, паслядоўна рэалізуючы нацысцкую праграму знішчэння яўрэяў, стварылі ў Тамашоўцы гета. Туды былі сагнаныя прыкладна 2200 габрэяў — не толькі мясцовых, але і з бліжэйшых мястэчак^[3][1][4]. Гета займала плошчу ў 1,5 квадратных кіламетры^[1].

Сістэматычныя масавыя забойствы пачалі праводзіцца адразу пасля арганізацыі гета. Расстрэлы праводзілі размешчаныя ў Дамачаве кавалерыйскі эскадрон жандармерыі, паліцыя і зондэркаманда СД^[5]. Больш за 500 яўрэяў Тамашоўскага гета былі забітыя ў душагубках^[6].

Паводле адных звестак, да канца ліпеня^[4], па іншых — 20 верасня 1942 года ўсе яўрэі ў Тамашоўцы былі забітыя. Апошніх вязняў забівалі на працягу чатырох дзён на Камароўскім полі ля супрацьтанкавага рова за 1,5 км на паўднёвы ўсход ад вёскі, за 500 м па правы бок дарогі Уладава—Брэст^[7][6][1].

У 1954 годзе на магіле ахвяр генацыду яўрэяў быў усталяваны абеліск^[8].

• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Г. К. Кісялёў (галоўны рэдактар), Л. К. Грышко, А. Л. Петрашкевіч i iнш. (рэдкал.), В.П. Россixiн (укладальнік). «Памяць. Брэсцкi раён». — Минск: «БЕЛТА», 1998. — 574 с. — ISBN 985-6302-13-7.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.
• Адамушко В. И., Бирюкова О. В., Крюк В. П., Кудрякова Г. А. Справочник о местах принудительного содержания гражданского населения на оккупированной территории Беларуси 1941—1944. — Мн.: Национальный архив Республики Беларусь, Государственный комитет по архивам и делопроизводству Республики Беларусь, 2001. — 158 с. — 2000 экз. — ISBN 985-6372-19-4.