Халакост у Кіраўскім раёне

За час акупацыі практычна ўсе яўрэі Кіраўскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах^[1].

Яўрэяў у раёне забівалі ў горадзе Кіраўск, вёсках Слабодка^[2], Пацава Слабада^[3], Нямкі^[4], Сяліба^[5], Любонічы^[6][7] і іншых. Па некаторых даных, на тэрыторыю саўгаса «Жылічы» былі сагнаныя яўрэі з усяго раёна і прывезеныя з Польшчы — каля 200 чалавек. Іх пратрымалі нейкі час без ежы, а потым забілі^[8][9].

Немцы, рэалізуючы нацысцкую праграму знішчэння яўрэяў, стварылі на тэрыторыі раёна 1 гета — у Любонічах.

У вёсцы перад акупацыяй засталося каля 200 яўрэяў. 7 лістапада (па іншых даных — у жніўні) 1941 года немцы забілі 60 яўрэяў-мужчын^[9]. У снежні 1941 года гета было ліквідавана, а апошнія вязні — каля 130 жанчын і дзяцей — былі забітыя каля вёскі Ахоцічы (па іншых звестках — Арэхаўка)^[10][9].

У пачатку 1970-х гадоў парэшткі пакараных былі перапахаваныя сваякамі на яўрэйскіх могілках у Бабруйску^[10].

У Кіраўскім раёне Масюкевіч Ірына была ўдастоена ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны» — за выратаванне Папярной (Левінай) Веры з дзецьмі ў вёсцы Паўлавічы^[11].

• В. I. Аўдзеева, Р. I. Маслоўскi, А. Л. Петрашкевiч i iнш. (рэдкал.). «Памяць. Кiраўскi раён». Гісторыка-дакументальная хроніка гарадоў і раѐнаў Беларусі.. — Минск: «Вышэйшая школа», 1997. — 445 с. — ISBN 985-06-0218-X.
• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.