Халакост у Маладзечанскім раёне

За час акупацыі практычна ўсе яўрэі Маладзечанскага раёна — больш за 10 000^[1] чалавек — былі забітыя, а нешматлікія ацалелыя ў большасці ваявалі пасля ў партызанскіх атрадах^[2][3][4].

Рэалізуючы нацысцкую праграму знішчэння яўрэяў, немцы стварылі на тэрыторыі раёна 9 гета.

• У гета вёскі Гарадок (сакавік 1942 — 11 ліпеня 1942) былі закатаваныя і забітыя 900 габрэяў.
• У гета вёскі Заскавічы (кастрычнік 1941 — чэрвень 1942) былі забітыя каля 80 габрэяў.
• У двух гета вёскі Краснае (восень 1941 — 19 сакавіка 1943) былі забітыя каля 5000 габрэяў.
• У двух гета вёскі Лебедзева (ліпень 1941 — 24 чэрвеня 1942) былі забітыя больш за 700 габрэяў.
• У двух гета горада Маладзечна (лета 1941 — ліпень 1943) былі забітыя больш за 2000 габрэяў.
• У гета пасёлка Радашковічы (лета 1941 — 7 сакавіка 1943) былі закатаваныя і забітыя каля 2000 габрэяў.

У Маладзечанскім раёне 9 чалавек былі ўдастоены ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны»: Імшэнік Уладзімір і Галіна^[5], Куліна Вольга^[6], Пясецкія Іосіф і Людміла, Крупіч Іван^[7], Карповічы Іван і Антаніна^[8], Выхота Тэрэза.

Помнікі забітым яўрэям раёна ўстаноўлены ў н. п. Гарадок^[9] (2 помнікі), Краснае^[10][11], Лебедзева^[1][12][13], Маладзечна^[14][15], Радашковічы^[16][17] (2 помнікі).

• Г. П. Пашкоў, Н. С. Гайковiч i iнш. (рэдкал.); Л. М. Карповiч. (уклад.). «Памяць. Маладзечна. Маладзечанскi раён». Гісторыка-дакументальная хроніка гарадоў і раѐнаў Беларусі.. — Минск: «Беларуская энцыклапедыя», 2002. — 792 с. — ISBN 985-11-0256-3.