Халакост у Салігорскім раёне

За час акупацыі практычна ўсе яўрэі Салігорскага раёна былі забітыя, а нешматлікія выратаваныя ў большасці ваявалі пасля ў партызанскіх атрадах^[1][2][3].

Яўрэяў у раёне забівалі ў Капацэвічах^[4], Астроўках^[5][6][7], Касынічах^[5][6][7], Крывічах^[5][6][7], Пагосце-1^[8][6][7], Вялікім Рожане^[9][6], Старобіне^[10][6][7], Чаланцы^[11], Чапялях^[12], Кулаках^[12], Чырвонай Слабадзе^[13][6], Пузічах^[14], Хораставе^[15] і іншых месцах.

Немцы, рэалізуючы нацысцкую праграму знішчэння яўрэяў, стварылі на тэрыторыі раёна 3 гета.

• У гета ў вёсцы Пагост (канец чэрвеня — 25 жніўня 1941) былі закатаваныя і забітыя не менш за 440 габрэяў.
• У гета пасёлка Чырвоная Слабада (да красавіка 1942) забіта больш за 900 чалавек^[16][17][18]
• У гета пасёлка Старобін (да жніўня 1941) забіта 800 чалавек^[18][19].

У Салігорскім раёне 5 чалавек былі ўдастоены ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны»: Хаміцэвічы Рыгор, Ганна, Пётр і Васіль^[20], Салавец (Міхнавец) Крысціна^[21].

Тры помнікі забітым яўрэям раёна ўстаноўлены ў Чырвонай Слабадзе^[22][17], два ў Пагосце.

У 1948 годзе на брацкай магіле яўрэяў Старобіна быў усталяваны абеліск^[19].

• Л. М. Драбовіч, М. М. Амельянчук, М. I. Арцюшкевіч i iнш. (рэдкал.); М. З. Башлакоў, А. I. Пляшэвіч, Л. I. Шырін (уклад.). «Памяць. Салігорскi раён». Гісторыка-дакументальная хроніка гарадоў і раёнаў Беларусі.. — Минск: БЕЛТА, 2004. — ISBN 985-6302-69-2.
• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.