Халакост у Мінскім раёне

За час акупацыі практычна ўсе яўрэі Мінскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах.

Тысячы габрэяў у раёне былі забітыя ў канцэнтрацыйным лагеры ў Драздах^[1][2], у лагеры смерці ў Трасцянцы^[3] і ў іншых месцах.

Рэалізуючы нацысцкую праграму знішчэння яўрэяў, немцы стварылі на тэрыторыі раёна 3 гета.

• У гета пасёлка Заслаўе (да 29 кастрычніка 1941) былі забітыя больш за 200 габрэяў.
• У гета горада Мінск (19 ліпеня 1941 — 21 кастрычніка 1943) былі закатаваныя і забітыя больш за 105 000 габрэяў.
• У гета вёскі Астрашыцкі Гарадок (да восені 1941^[4]) загінула некалькі сотняў чалавек^[5][6].

У Мінскім раёне 137 чалавек былі ўдастоены ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны».

Помнікі забітым яўрэям раёна ўстаноўлены:

• у Мінску (11 помнікаў і 3 мемарыяльныя дошкі);
• мемарыял на месцы лагера смерці Трасцянец;
• мемарыяльная пліта на месцы лагеры ў Драздах;
• у Заслаўі^[7];
• на месцы расстрэлу побач з вёскай Крыжоўка яўрэяў з гета Заслаўя.

• Г. П. Пашкоў, I. I. Зяновiч, В. Ц. Осiпаў i iнш. (рэдкал.); М. I. Курскi, Г. А. Маслыка (уклад.). «Памяць. Мiнскi раён». Гісторыка-дакументальная хроніка гарадоў і раѐнаў Беларусі.. — Минск: «Беларуская энцыклапедыя», 1998. — 640 с. — ISBN 985-11-0125-7.
• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Адамушко В. И., Бирюкова О. В., Крюк В. П., Кудрякова Г. А. Справочник о местах принудительного содержания гражданского населения на оккупированной территории Беларуси 1941—1944. — Мн.: Национальный архив Республики Беларусь, Государственный комитет по архивам и делопроизводству Республики Беларусь, 2001. — 158 с. — 2000 экз. — ISBN 985-6372-19-4.