Халакост у Веткаўскім раёнеЗа час акупацыі практычна ўсе яўрэі Веткаўскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах. Яўрэяў у раёне забівалі ў Ветцы[1], вёсках Акшынка[2], Габраўка[2], Барчанкі[3], Прысно[4], Жалезнікі[4], Свяцілавічы[4], Старое Сяло[4] і многіх іншых месцах. Рэалізуючы нацысцкую праграму знішчэння яўрэяў, немцы стварылі на тэрыторыі раёна адно гета — у Ветцы, у якой да вайны жылі 944 прадстаўнікі народа[5][6][7]. Яўрэі былі сагнаныя ў гета ў першыя ж дні акупацыі[8], але іх пакінулі жыць у сваіх дамах, і гета займала тэрыторыю цяперашніх вуліц Пралетарская, Леніна, Камсамольская і Свярдлова (якая раней называлася вуліцай Валадарскага)[7]. Раніцай 3 снежня 1941 года ўсіх яўрэяў вывелі на цэнтральную плошчу, туды ж прыгналі і яўрэяў з блізкіх вёсак, пад канвоем з калабарантаў прыгналі да элеватара, групамі па 10 чалавек адводзілі да супрацьтанкавага рову, прымушалі легчы, а тры немцы і мясцовыя паліцыянты расстрэльвалі іх зверху з берага, а потым дабівалі ў яме[5][9][7][10][11]. Падчас першага расстрэлу 3 снежня 1941 года былі забітыя 360 (390[11]) чалавек[5][8][12][13], а ў верасні 1942 года — яшчэ 61 чалавек. У асноўным, гэта былі старыя, жанчыны і дзеці[8][14][7]. Месца расстрэлу знаходзіцца на тэрыторыі сучаснага прадпрыемства «Веткаўскі аграсэрвіс» на вуліцы Кавалёва, 130 чалавек забілі на выездзе з Веткі ў бок Добруша (за уваходам на прадпрыемства правей і далей па тэрыторыі прыкладна на пяцьдзесят метраў). Брацкую магілу не пераносілі, прах ахвяр не перапахоўвалі. У 1970 годзе на магіле была ўсталяваная стэла[5]. Крыніцы
Літаратура
|
Portal di Ensiklopedia Dunia
