Гета ў Рудкаўшчыне

Гета ў Рудкаўшчыне (канец ліпеня 1941 — 12 сакавіка 1943) — яўрэйскае гета, месца прымусовага перасялення яўрэяў вёскі Рудкаўшчына Горацкага раёна падчас Халакосту.

У ліпені 1941 года Горацкі раён быў захоплены нямецкімі войскамі. Акупацыя вёскі Рудкаўшчына працягнулася да 26 чэрвеня 1944 года. У канцы ліпеня 1941 года немцы, рэалізуючы нацысцкую праграму знішчэння яўрэяў, арганізавалі ў вёсцы гета. Габрэям загадалі нашыць на адзенне жоўтыя зоркі, забаранілі сыходзіць з вёскі і выкарыстоўвалі на прымусовых работах.

Гета было адкрытага тыпу, яго не ахоўвалі, але ўвесь час правяралі паліцаі.

Раніцай 12 сакавіка 1943 года ўсіх яўрэяў вёскі сагналі ў будынак радзільні, а затым на санках і пешшу адвялі ў лес і расстралялі — ставілі на калені і стралялі ў патыліцу. Людзі былі настолькі змучаныя, што не супраціўляліся^[1][2].

На месцы расстрэлу яўрэяў Рудкаўшчыны пасля вайны роднымі забітых быў усталяваны цагляны помнік, пазней заменены на новы^[3][1].

• А. А. Крывянкоў, У. М. Лiўшыц, Р. I. Маслоўскi i iнш. (рэдкал.). «Памяць. Горацкi раён». Гісторыка-дакументальная хроніка гарадоў і раѐнаў Беларусі.. — Минск: «Вышэйшая школа», 1996. — 590 с. — ISBN 985-06-0180-9.