Халакост у Круглянскім раёне

За час акупацыі практычна ўсе яўрэі Круглянскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах^[1][2][3].

Яўрэяў у раёне забівалі ў Круглым^[1][4], Кручы^[3][5][4], Навапруддзе^[1], Цяцерыне^[1][6], Шапялевічах^[2][4], Старым Палессі^[2] і іншых месцах.

Рэалізуючы нацысцкую праграму знішчэння яўрэяў, немцы стварылі на тэрыторыі раёна 3 гета:

• У гета горада Круглае (лета 1941 —лета 1942) былі закатаваныя і забітыя каля 900 чалавек
• У гета вёскі Круча (лета 1941 — 10 кастрычніка 1941) былі забіты 169 чалавек.
• У гета вёскі Шапялевічы (лета 1941 — 12 снежня 1941) былі закатаваныя і забітыя не менш за 100 чалавек.

У Круглянскім раёне 5 чалавек былі ўдастоены ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны»: Барысёнак Ганна^[2][7], Бараноўская Вікторыя^[8], Ганчарова (Карнеева) Вольга, Дзякава (Карнеева) Любоў і Лосева (Карнеева) Таццяна^[9].

Помнікі забітым яўрэям раёна ўстаноўлены ў Круглым^[10] і Кручы^[3][5].

У вёсцы Навапруддзе ў 1967 годзе ўсталяваны помнік сям’і Зелікавых, расстраляных нацыстамі ў 1942 годзе^[1].

• Г. П. Пашкоў, Т. М. Аксёнава, М. I. Асiпенка i iнш. (рэдкал.). «Памяць. Круглянскi раён». Гісторыка-дакументальная хроніка гарадоў і раѐнаў Беларусі.. — Минск: «Беларуская энцыклапедыя», 1996. — 589 с. — ISBN 985-11-0054-4.
• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.