Халакост у Лагойскім раёне

Яўрэяў у Лагойскім раёне забівалі ў Лагойску^[1][2], Плешчаніцах^[3][2], вёсках Казыры^[4], Чырвоны Бор^[5], Камена^[6] і многіх іншых месцах. За час акупацыі практычна ўсе прадстаўнікі народа былі забітыя, а нешматлікія ацалелыя ў большасці ваявалі пасля ў партызанскіх атрадах^[7][8].

Рэалізуючы нацысцкую праграму знішчэння яўрэяў, немцы стварылі на тэрыторыі раёна 2 гета:

• У гета горада Лагойск (ліпень — 30 жніўня 1941) былі закатаваныя і забітыя 1200 чалавек.
• У гета пасёлка Плешчаніцы (чэрвень — 21 кастрычніка 1941) былі забітыя 1000 чалавек^[9].

У Лагойскім раёне 6 чалавек былі ўдастоены ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны»: Хадасевічы Антаніна, Пётр і Яніна^[10][11][12], Красоўскія Марыя, Андрэй і Іосіф^[13].

У вёсцы Ніўкі недалёка ад Лагойска хавалася адна яўрэйская сям’я, і ўсю вайну пра іх клапаціліся іх знаёмыя^[14].

Два помнікі забітым яўрэям раёна ўстаноўлены ў Лагойску^[15], адзін — у Плешчаніцах.

• Г. П. Пашкоў, Г. В. Драгунова, В. А. Несцяровiч i iнш. (рэдкал.); Я. Г. Звягуга. (уклад.). «Памяць. Лагойскi раён». Гісторыка-дакументальная хроніка гарадоў і раѐнаў Беларусі. У 2 кнiгах. Кнiга 1-я. — Минск: «Беларуская энцыклапедыя», 2003. — 560 с. — ISBN 985-11-0280-6.
• Г. П. Пашкоў, Г. В. Драгунова, В. А. Несцяровiч i iнш. (рэдкал.); Я. Г. Звягуга. (уклад.). «Памяць. Лагойскi раён». Гісторыка-дакументальная хроніка гарадоў і раѐнаў Беларусі. У 2 кнiгах. Кнiга 2-я. — Минск: «Беларуская энцыклапедыя», 2004. — 488 с. — ISBN 985-11-0282-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.
• Адамушко В. И., Бирюкова О. В., Крюк В. П., Кудрякова Г. А. Справочник о местах принудительного содержания гражданского населения на оккупированной территории Беларуси 1941—1944. — Мн.: Национальный архив Республики Беларусь, Государственный комитет по архивам и делопроизводству Республики Беларусь, 2001. — 158 с. — 2000 экз. — ISBN 985-6372-19-4.