தாசேக் குளுகோர் மக்களவைத் தொகுதி

தாசேக் குளுகோர் (P042) மலேசிய மக்களவைத் தொகுதி பினாங்கு
Tasek Gelugor (P042) Federal Constituency in Penang
பினாங்கு மாநிலத்தில் தாசேக் குளுகோர் மக்களவைத் தொகுதி
மாவட்டம்	வட செபராங் பிறை மாவட்டம்; பினாங்கு
வாக்காளர் தொகுதி	தாசேக் குளுகோர் தொகுதி
முக்கிய நகரங்கள்	கெப்பாலா பத்தாஸ், லூனாஸ், தாசேக் குளுகோர், புக்கிட் மெர்தாஜாம்
முன்னாள் தொகுதி
உருவாக்கப்பட்ட காலம்	1984
கட்சி	பெரிக்காத்தான் நேசனல்
இதற்கு முன்னர் நடப்பில் இருந்த தொகுதி	2022
மக்களவை உறுப்பினர்	வான் சைபுல் வான் சான் (Wan Saiful Wan Jan)
வாக்காளர்கள் எண்ணிக்கை	80,868
தொகுதி பரப்பளவு	109 ச.கி.மீ[1]
இறுதி தேர்தல்	பொதுத் தேர்தல் 2022

2022-இல் தாசேக் குளுகோர் தொகுதியின் வாக்காளர்களின் இனப் பிரிவுகள்

  மலாயர் (78.6%)

  சீனர் (15.1%)

  இந்தியர் (6.1%)

  இதர இனத்தவர் (0.3%)

தாசேக் குளுகோர் மக்களவைத் தொகுதி (மலாய்: Kawasan Persekutuan Tasek Gelugor; ஆங்கிலம்: Tasek Gelugor Federal Constituency; சீனம்: 打色牛汝莪联邦选区) என்பது மலேசியா, பினாங்கு மாநிலத்தில், வட செபராங் பிறை மாவட்டத்தில் (North Seberang Perai District); அமைந்துள்ள ஒரு மக்களவைத் தொகுதி (P042) ஆகும்.^[2]

தாசேக் குளுகோர் தொகுதி 1984-ஆம் ஆண்டில் உருவாக்கப்பட்டது. முதல் தேர்தல் 1986-ஆம் ஆண்டில் நடைபெற்றது. அத்துடன் அதே 1986-ஆம் ஆண்டில் இருந்து தாசேக் குளுகோர் தொகுதி, மலேசிய நாடாளுமன்றத்தில் பிரதிநிதிக்கப் படுகிறது.

2022 அக்டோபர் 31-ஆம் தேதி வெளியிடப்பட்ட மலேசியக் கூட்டரசு அரசிதழின் படி (Federal Gazette issued on 31 October 2022), தாசேக் குளுகோர் தொகுதி 29 தேர்தல் வட்டாரங்களாக (Polling Districts) பிரிக்கப்பட்டது.^[3]

வட செபராங் பிறை மாவட்டம் (North Seberang Perai District) பினாங்கு மாநிலத்தின் ஐந்து மாவட்டங்களில் ஒரு மாவட்டம்; 267 சதுர கி. மீ. பரப்பளவைக் கொண்டுள்ளது.

இந்த மாவட்டத்தின் வடக்கில் மூடா ஆறு செல்கிறது. இந்த ஆறு கெடா மாநிலத்தில் உள்ள கோலா மூடா மாவட்டம்; வட செபராங் பிறை மாவட்டம் ஆகிய இரு மாவட்டங்களையும் பிரிக்கின்றது.

இந்த மாவட்டத்தின் தலைநகரம் கெப்பாலா பத்தாஸ். மாவட்டத்தின் மிகப்பெரிய நகரம் பட்டர்வொர்த். வடக்கு செபராங் பிறையில் அமைந்துள்ள பிற இடங்கள்: பெனாகா, பினாங்கு துங்கல், பெர்டா, தாசேக் குளுகோர், தெலுக் ஆயர் தாவார் மற்றும் மாக் மண்டின்.

பினாங்கு மாநிலத்தின் செபராங் பிறை பகுதியில் உள்ள மூன்று நிர்வாக மாவட்டங்களில் இந்த மாவட்டமும் ஒன்றாகும். இந்த வட செபராங் பிறை மாவட்டத்தில் பெரும்பாலும் நெல் பயிரிடப் படுகிறது. இந்த மாவட்டத்தின் பெரும்பாலான பகுதிகள் நெல் வயல்களைக் கொண்டவை ஆகும்.

       பாரிசான்        சுயேச்சை        பாக்காத்தான்        பெரிக்காத்தான்

மலேசியப் பொதுத் தேர்தல் 2022

	வேட்பாளர்	கட்சி	வாக்குப்பதிவு	%	∆%
	வான் சைபுல்ருதீன் வான் சான் (Wan Saifulruddin Wan Jan)	பெரிக்காத்தான்	31,116	46.36%	+46.36
	முகமது யூசுப் முகமது நூர் (Muhamad Yusoff Mohd Noor)	பாரிசான்	18,864	28.11%	-7.62 ▼
	நிக் அப்துல் ரசாக் ரிசுவான் (Nik Abdul Razak Nik Md Ridzuan)	பாக்காத்தான்	16,547	24.66%	-10.92 ▼
	அப்துல் அலிம் சிர்சுங் (Abdul Halim Sirjung)	உள்நாட்டு போராளிகள் கட்சி	406	0.60%	+0.60
	முகமது அக்மால் அசார் (Mohd Akmal Azhar)	சபா பாரம்பரிய கட்சி	179	0.27%	+0.27

• தாசேக் குளுகோர்
• வட செபராங் பிறை மாவட்டம்
• மலேசிய தேர்தல் தொகுதிகள்
• மலேசியப் பொதுத் தேர்தல், 2022