Халакост у Брагінскім раёне

За час акупацыі практычна ўсе яўрэі Брагінскага раёна былі забітыя, а нешматлікія ацалелыя ў большасці ваявалі пасля ў партызанскіх атрадах.

Яўрэяў у раёне забівалі ў Брагіне^[1], Камарын^[2], вёсках Асарэвічы^[3], Багушы^[4], Верхнія Жары^[5], Капоранка^[6], Кавака^[7], Калыбань (3 сям’і — больш за 20 чалавек у кастрычніку 1941 года)^[8][9], Касачоў^[7], Краснае^[10], Крыўча^[11], Крукі^[12], Малажын^[13], Мікулічы^[14], Новая Ёлча^[6], Нудзічы^[15], Астрагляды^[4], Рыжкаў^[14], Сабалі^[5], Спярыжжа^[16], Тэльман^[17] і іншых.

Рэалізуючы нацысцкую праграму знішчэння яўрэяў, немцы стварылі на тэрыторыі раёна 2 гета — у Брагіне (верасень — 27 лістапада 1941, больш за 600 загінулых^[18]) і Камарыне (да кастрычніка 1941^[19], каля 250 загінулых^[20][21]).

Ганна Паняўчык з Брагіна за выратаванне Марыі Брыльянт была ўдастоена ганаровага звання «Праведнік народаў свету» ад ізраільскага мемарыяльнага інстытута «Яд ва-Шэм» «у знак глыбокай удзячнасці за дапамогу, аказаную яўрэйскаму народу ў гады Другой сусветнай вайны»^[22][23][24].

У 1957 годзе ў Брагіне на вуліцы Пясочная быў насыпаны курган, а потым была ўсталяваная стэла з надпісам аб 8000 загінулых ад рук нацыста — у тым ліку яўрэяў, перапахаваных сюды з двух брацкіх магіл на вуліцы Набярэжнай^[22][25][26].

• М. С. Кусянкоў, Г. В. Марчук, У. А. Мачульскi i iнш. (рэдкал.); І. Ф. Ганжураў (уклад.). «Памяць. Брагінскі раён». Гісторыка-дакументальная хроніка гарадоў і раѐнаў Беларусі.. — Мн.: «Мастацкая літаратура», 2003. — 750 с. — ISBN 985-02-0521-0.
• Холокост на территории СССР. Энциклопедия / Гл. ред. И. А. Альтман. — 2-е изд., испр. и доп. — М.: РОССПЭН, 2011. — 1143 с. — ISBN 978-5-8243-1463-2.
• Свидетельствуют палачи. Уничтожение евреев на оккупированной территории Беларуси в 1941—1944 гг. / Составители В. И. Адамушко, И. П. Герасимова, В. Д. Селеменев. — 2-е издание. — Мн.: НАРБ, 2010. — 199 с. — ISBN 978-985-6372-67-7.