Копаница

Копаница
Поглед кон Копаница
Копаница Местоположба на Копаница во Македонија Копаница на карта
Координати 42°4′40″N 21°14′17″E / 42.07778°N 21.23806°E / 42.07778; 21.23806
Општина	Сарај
Население	1.790 жит. (поп. 2021)[1]
Шифра на КО	25075
Надм. вис.	534 м. м
Копаница на општинската карта Атарот на Копаница во рамките на општината
Копаница на Ризницата

Копаница — село во Општина Сарај, во околината на градот Скопје. Спред пописот од 2002 година, селото имало население од 1.714 жители.

Селото се наоѓа во западните делови на Скопската Котлина, на излезот од Дервенската Клисура. Селото се наоѓа во подножјето на Жеден.

Местото е населено барем од римско време, за што сведочат наодите во наоѓалиштето Дренки во селото.

Во XIX век, селото е дел од нахијата Дервент во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото било муслиманско, со 43 муслимански домаќинства. На овој попис биле забележани 174 мажи муслимани, со 22 новороденчиња. Се проценува дека селото во тој период имало 392 жители.^[2]

Стефан Верковиќ во 1857 го бележи со 220 жители.^[3]

Како село со албанско население било означено од страна на Леонард Шулце Јена во 1927 година.^[4] Исто така, слични податоци дава и Афанасиј Селишчев во 1929 година.^[5]

Според германска карта издадена во 1941 година, а заснована на пописот на Кралството Југославија во 1931 година, селото имало 750 Албанци.^[6]

На пописот од 2002 година, селото имало 1.714 жители, од кои 1 Македонец, 1.710 Албанци и 3 останати.^[7]

Според последниот попис од 2021 година, во селото живееле 1.790 жители, од кои 1.761 Албанец и 29 лица без податоци.^[8]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Копаница е албанско село.

Според истражувањата од 1940-тите родови во селото се:

• Ќуште (33 к.) староседелци. Исламот го примиле во почетокот од XIX век, кога и се албанизирале. Најстарите муслимански предци им биле. Зекир, Али и Браим. Имаат православни роднини кои од Копаница се иселиле во селото Кучково (Ќунтовци).
• Маноџе (36 к.) доселени се во XVIII век од некое место во северна Албанија.
• Маршеје (34 к.) доселени се од северна Албанија. Имаат роднини во селото Мерово. Учествувале во Битката на Треска 1944, во страна на Балистите.
• Реџе (10 к.) доселени се од северна Албанија на почетокот од XIX век.
• Љаја (16 к.) потекло и време на доселување како и претходниот род.^[13]

Од старото православно население кое живеело во селото, а се иселило се знае само за родот Ќунтовци или Бировци. Они се иселиле во селото Кучково. Во Копаница биле двајца браќа, едниот го прифатил исламот, а другиот се иселил во селото Кучково. Од Кучково се иселиле во населбата Ѓорче Петров, Скопје, Куманово и Кралево.^[13]

• Општина Сарај
• Дренки — археолошко наоѓалиште од римско време во селото

• Сателитска снимка на Копаница, на Карти на Гугл

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Сарај Арнакија Бојане Буковиќ Глумово Горна Арнакија Горно Свиларе Грчец Дворце Долно Свиларе Кондово Копаница Крушопек Ласкарци Љубин Матка Паничари Радуша Раовиќ Рашче Рудник Радуша Сарај Семениште Чајлане Шишево Историски Ивање