Семениште

Семениште
Семениште Местоположба на Семениште во Македонија Семениште на карта
Координати 41°58′1″N 21°15′38″E / 41.96694°N 21.26056°E / 41.96694; 21.26056
Општина	Сарај
Население	798 жит. (поп. 2021)[1]
Шифра на КО	25117
Надм. вис.	486 м. м
Семениште на општинската карта Атарот на Семениште во рамките на општината
Семениште на Ризницата

Семениште — село во Општина Сарај, во околината на градот Скопје.

Селото се наоѓа во западниот дел од Скопската Котлина, лево од автпатот Тетово - Скопје.

Во XIX век, селото е дел од нахијата Дервент во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото било муслиманско, со 19 муслимански домаќинства. На овој попис биле забележани 71 мажи муслимани, со 7 новороденчиња. Се проценува дека селото во тој период имало 156 жители.^[2]

Стефан Верковиќ во 1857 го бележи со 290 жители.^[3]

Како село со албанско население било означено од страна на Леонард Шулце Јена во 1927 година.^[4] Исто така, слични податоци дава и Афанасиј Селишчев во 1929 година.^[5]

Според германска карта издадена во 1941 година, а заснована на пописот на Кралството Југославија во 1931 година, селото имало 350 Албанци.^[6]

На пописот од 2002 година, селото имало 559 жители, од кои 1 Македонец, 557 Албанци и 1 Бошњак.^[7]

Според последниот попис од 2021 година, во селото живееле 798 жители, од кои 2 Македонци, 754 Албанци, 5 Бошњаци и 37 лица без податоци.^[8]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Семениште е албанско село.

Според истражувањата од 1940-тите родови во селото се:

• Цан (29 к.) доселени се во XVIII век од областа Љума во Албанија. Го знаат следното родословие: Осман (жив на 80 г. во 1940-тите) Ислам-Сејфула-Хусеин-Цан, предокот кој се доселил.
• Никиштан (21 к.) потекнуваат од фисот Красниќи во северна Албанија. Од таму се иселиле најпрво во селото Никиштане, по кое и го добиле името. А од таму во Семениште.
• Арно (11 к.) доселени се од Мирдита во северна Албанија. Потекнуваат од фисот Бериша. Имаат роднини иселени од Мирдита во Блаце кај Качаник.^[13]

Археолошки наоѓалишта^[14]

• Семениште - осамен наод од римското време

• Општина Сарај
• Скопје

• Сателитска снимка на Семениште, на Карти на Гугл

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Сарај Арнакија Бојане Буковиќ Глумово Горна Арнакија Горно Свиларе Грчец Дворце Долно Свиларе Кондово Копаница Крушопек Ласкарци Љубин Матка Паничари Радуша Раовиќ Рашче Рудник Радуша Сарај Семениште Чајлане Шишево Историски Ивање