Чајлане

**Чајлане**
	Чајлане
	Чајлане Местоположба на Чајлане во Македонија Чајлане на карта
	Координати 41°57′41″N 21°15′30″E / 41.96139°N 21.25833°E
Општина	Сарај
Население	639 жит.; (поп. 2021)
Шифра на КО	25028
Надм. вис.	727 м. м
	Чајлане на општинската карта ; Атарот на Чајлане во рамките на општината
	Чајлане на Ризницата

Чајлане — село во Општина Сарај, во околината на градот Скопје.

Географија и местоположба

Селото се наоѓа во западниот дел од Скопската Котлина, лево од автпатот Тетово - Скопје.

Историја

Во XIX век, селото е дел од нахијата Дервент во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото било муслиманско, со 22 муслимански домаќинства. На овој попис биле забележани 104 мажи муслимани, со 7 новороденчиња. Се проценува дека селото во тој период имало 222 жители.^[2]

Како село со албанско население било означено од страна на Леонард Шулце Јена во 1927 година.^[3] Исто така, слични податоци дава и Афанасиј Селишчев во 1929 година.^[4]

Население

Население во минатото

Година	Нас.	±%
1948	443	—
1953	469	+5.9%
1961	552	+17.7%
1971	535	−3.1%
1981	510	−4.7%

Година	Нас.	±%
1991	0	−100.0%
1994	580	—
2002	580	+0.0%
2021	639	+10.2%

Според германска карта издадена во 1941 година, а заснована на пописот на Кралството Југославија во 1931 година, селото имало 400 Албанци.^[5]

На пописот од 2002 година, селото имало 580 жители, од кои 577 Албанци, 2 Бошњаци и 1 останат.^[6]

Според последниот попис од 2021 година, во селото живееле 639 жители, од кои 602 Албанци и 37 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	—	443	469	552	535	510	0	580	580	639

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Чајлане е албанско село.

Според истражувањата од 1940-тите родови во селото се:

Ибишалар (15 к.), Миналар (14 к.), Исафалар (19 к.) и Вјш или Долдур (19 к.) сите се доселени од фисот Бериша во северна Албанија. Доселени се пред повеќе од 200 години.^[12]