Мојанци (Скопско)

Мојанци
Мојанци Местоположба на Мојанци во Македонија Мојанци на карта
Координати 42°2′51″N 21°34′17″E / 42.04750°N 21.57139°E / 42.04750; 21.57139
Општина	Арачиново
Население	2.912 жит. (поп. 2021)[1]
Шифра на КО	25090
Надм. вис.	428 м
Мојанци на општинската карта Атарот на Мојанци во рамките на општината
Мојанци на Ризницата

Мојанци — село во Скопскиот Регион и второ по големина село во Општина Арачиново, во околината на градот Скопје.

Селото се наоѓа на рамничарските предели на северна Скопска Котлина, или на јужните граници на Скопска Црна Гора. Оддалечено е 15 километри североисточно од Скопје.

Во повисоките делови на атарот се наоѓало поранешното село Бара, напуштено некаде помеѓу двете светски војни.

Во XIX век, селото е дел од нахијата Чаирско Поле (Блатија) во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото е заведено под името Мојанце и било муслиманско, со 17 муслимански домаќинства. На овој попис биле забележани 83 мажи муслимани, со 17 новороденчиња. Се проценува дека селото во тој период имало 200 жители.^[2]

Според статистиката на бугарскиот етнограф Васил К’нчов (Македонија. Етнографија и статистика) од 1900 година, во Мојанци живееле 120 жители, од кои 30 Македонски христијани и 90 Арнаути[3] муслимани.

Во 1913 година, во селото биле евидентирани 185 жители. Било дел од Општина Брњарци.

Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.^[4]

Според статистиката на бугарскиот етнограф Васил К’нчов (Македонија, Етнографија и статистика) од 1900 година, селото Мојанци имало 120 жители, од кои 90 Албанци и 30 Македонци.^[5]

На пописот од 2002 година, селото имало 2.325 жители. Следува табела на националната структура на населението:^[6]

Во табелата во продолжение е направен преглед на населението во сите пописни години:^[7]

Според последниот попис на населението на Македонија од 2021 година, Мојанци има 2.912 жители.

Следува табела на народносната структура на населението:

Мојанци е албанско село.

Според истражувањата од 1954 година, родови во селото се:

• Доселеници: Демовци (23 к.) потекнуваат од предокот Адем. Него го викнале православните Македонци да биде говедар кај нив и така тој се заселил во селото. Потоа земал за жена некоја православна Македонка и така е основан овој род. Го знаат следното родословие: Бајрам (жив на 45 г. во 1954 година) Амет-Бајрам-Исен-Адем, основачот на родот; Идризовци или Ашани (18 к.) потекнуваат од предокот Идриз. Тој се доселил околу средината на XIX век. Потекнуваат од фисот Бериш; Оџалари (4 к.), Тенџер (2 к.) и Барци (1 к.) доселени се од селата на Кумановска црна гора. Првите два рода од селото Брест, а третиот од раселеното село Бара. Потекнувале од фисот Бериш.^[9]

Во селото постои избирачкото место бр. 2338 според Државната изборна комисија, сместено во основното училиште.^[10]

Постари македонски иселеници од селото имало во Арачиново (Велковци, Кузманови и Јаќимовци). Но и од таму се иселени. Некои македонски родови во 1878 година, во текот на Српско-турската војна се преселиле во Србија.^[9]

• Скопска Црна Гора
• Општина Арачиново
• Арачиново

• Сателитска снимка на Мојанци на Карти на Гугл

п р у Населени места во Општина Арачиново Арачиново Грушино Мојанци Орланци Историски Бара