Горно Свиларе

Горно Свиларе
Поглед кон Горно Свиларе од падината на Жеден
Горно Свиларе Местоположба на Горно Свиларе во Македонија Горно Свиларе на карта
Координати 42°2′39″N 21°16′45″E / 42.04417°N 21.27917°E / 42.04417; 21.27917
Општина	Сарај
Население	845 жит. (поп. 2021)[1]
Шифра на КО	25056
Надм. вис.	439 м. м
Горно Свиларе на општинската карта Атарот на Горно Свиларе во рамките на општината
Горно Свиларе на Ризницата

Горно Свиларе — село во Општина Сарај, во околината на градот Скопје. Според пописот од 2002 година, селото имало население од 712 жители.

Горно Свиларе се наоѓа во западниот дел на Скопската Котлина, северно од Вардар.

Во XIX век, селото е дел од нахијата Кара Даг во Скопската каза во Отоманското Царство. Според опширните османлиски дефтери за населението на Скопската Каза од 1832/33 година, селото било мешано со христијанско^[2] и муслиманско^[3] население, каде имало 10 христијански и 1 муслиманско домаќинство. На овој попис биле забележани 42 мажи христијани, со 3 новороденчиња и 3 мажи муслимани без новороденчиња. Се проценува дека селото во тој период имало 96 жители.

Стефан Верковиќ во 1857 го бележи со 206 жители.^[4]

Според податоците на бугарскиот публицист Васил К’нчов, селото во 1900 година имало 86 жители Албанци муслимани и 60 Македонци христијани.^[5] Како село со албанско население било означено и од страна на Леонард Шулце Јена во 1927 година.^[6] Исто така, слични податоци дава и Афанасиј Селишчев во 1929 година.^[7]

Според германска карта издадена во 1941 година, а заснована на пописот на Кралството Југославија во 1931 година, селото имало 250 Албанци, 25 до 50 Македонци и 25 до 50 други жители.^[8]

На пописот од 2002 година, селото имало 712 жители, од кои 711 Албанци и 1 останат.^[9]

Според последниот попис од 2021 година, во селото живееле 845 жители, од кои 830 Албанци и 15 лица без податоци.^[10]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Горно Свиларе е албанско село, а порано имало и Македонци.

Според истражувањата од 1948 година, родови во селото се:

Албански

• Доселеници: Матњан (7 к.) доселени се од областа Мат во северна Албанија. Они се првите албански доселеници. Го знаат следното родословие: Фета (жив на 70 г. во 1948 година) Имер-Јакуп-Асан-Мемет, кој се доселил; Дибран (9 к.) доселени се кога и претходниот род. Доселени се од Дебарско. А таму се доселени од Албанија; Љумљан (10 к.) потекнуваат од фисот Шаља во северна Албанија. Името го добиле по областа Љума од каде потекнува фисот; Дац (7 к.) потекнуваат од фисот Тсач во северна Албанија.

Македонски

• Доселеници: Ѓорески (2 к.) и Чинговци (2 к.) доселени се од селото Кучково. Во родот Ѓорески го знаат следното родословие: Крсто (жив на 48 г. во 1948 година) Кузман-Ѓоре, кој се доселил; Васовски (1 к.) потекнуваат од предокот Стојан кој дошол како посинет во родот Чинговци. По потекло овој род е од Тетовско.^[15]

Археолошки наоѓалишта

• Кале — кале од римското и доцноантичкото време

• Сулејман Реџепи — поранешен водач на Исламската верска заедница на Македонија

• Општина Сарај
• Скопје

• Сателитска снимка на Горно Свиларе, на Карти на Гугл

п р у Населени места во Општина Сарај Арнакија Бојане Буковиќ Глумово Горна Арнакија Горно Свиларе Грчец Дворце Долно Свиларе Кондово Копаница Крушопек Ласкарци Љубин Матка Паничари Радуша Раовиќ Рашче Рудник Радуша Сарај Семениште Чајлане Шишево Историски Ивање