Вікіпедыя:Праект:WikiGap 2023 Belarus

Вікіпедыя — найбуйнейшая ў свеце анлайн-энцыклапедыя, створаная карыстальнікамі. Аднак заўважана, што ў Вікіпедыі артыкулаў пра мужчын у некалькі разоў больш, чым пра жанчын, прычым гэтыя суадносіны назіраюцца практычна ва ўсіх моўных версіях.

Каб трохі выправіць гэты дысбаланс і прыцягнуць увагу да праблемы, у Вікіпедыі быў арганізаваны праект WikiGap, закліканы напоўніць Вікіпедыю артыкуламі пра выдатных жанчын на самых розных мовах. WikiGap з’яўляецца міжнароднай акцыяй, якая першапачаткова паўстала дзякуючы ініцыятыве шведскага аддзялення Фонду Вікімэдыя ў партнёрстве з Міністэрствам замежных спраў Швецыі, Упраўленнем Вярхоўнага камісара ААН па правах чалавека і аддзяленнямі Фонду Вікімедыя па ўсім свеце.

У Беларусі пачынаючы з 2019 года штогод ладзіцца WikiGap, творчае спаборніцтва па напісанні ў Вікіпедыі артыкулаў пра выдатных жанчын самых розных прафесій. Праект WikiGap 2023 Беларусь накіраваны на напісанне артыкулаў пра выдатных жанчын самых розных прафесій у Беларускай Вікіпедыі.

Прыняць удзел у анлайн-марафоне WikiGap 2023 Беларусь можа кожны, хто ведае беларускую мову і мае доступ да інтэрнэту.

Традыцыйна вітаецца напісанне як мага большай колькасці артыкулаў пра жанчын, звязаных з Беларуссю. Акрамя гэтага, штогод значная ўвага надаецца стварэнню артыкулаў пра жанчын адной з краін свету. Сёлета ствараем артыкулы пра жанчын нашай паўднёвай суседкі — Украіны.

• Зрабіць больш даступнай інфармацыю пра выдатных жанчын Беларусі, Украіны і свету.
• Пашырыць кола аўтараў і рэдактараў артыкулаў Вікіпедыі на беларускай мове.

• «Выдатныя жанчыны свету» — артыкулы на беларускай мове пра жанчын свету.
• «Выдатныя жанчыны Беларусі» — артыкулы на беларускай мове пра беларускіх жанчын.
• «Выдатныя жанчыны Украіны» — артыкулы на беларускай мове пра ўкраінскіх жанчын.

Пад беларускімі жанчынамі маюцца на ўвазе жанчыны беларускай нацыянальнасці, з грамадзянствам ці падданствам Рэспублікі Беларусь / БССР / БНР / Вялікага Княства Літоўскага / іншых княстваў беларускіх зямель, а таксама жанчыны з іншых краін, чыя асноўная дзейнасць сканцэнтравана на беларускіх землях у цяперашні час або ў адпаведную гістарычную эпоху.

Пад украінскімі жанчынамі маюцца на ўвазе жанчыны ўкраінскай нацыянальнасці, з грамадзянствам Украіны, а таксама жанчыны з іншых краін, чыя асноўная дзейнасць сканцэнтравана на ўкраінскіх землях у цяперашні час або ў адпаведную гістарычную эпоху.

• Старт: 8 сакавіка 2023 года 00:00:01 Мінскі час UTC+03:00.
• Фініш: 8 красавіка 2023 года 23:59:59 Мінскі час UTC+03:00.
• Падвядзенне вынікаў WikiGap 2023 Беларусь — да 12 красавіка 2023 года.

• Узроставых абмежаванняў на ўдзел у марафоне няма.
• Кожны удзельнік павінен мець уласны ўліковы запіс у Вікіпедыі і прымаць ўдзел у марафоне толькі з аднаго ўліковага запісу.
• Напісанне артыкулаў пра жанчын на беларускай мове згодна з сучаснымі правіламі беларускай арфаграфіі і пунктуацыі.
• Новыя артыкулы павінны быць напісаны ў перыяд з 8 сакавіка па 8 красавіка 2023 года.
• У створаным артыкуле павінны быць мінімум 1000 сімвалаў (прыкладна 150 словаў), спасылкі на крыніцы інфармацыі, прастаўленыя катэгорыі і ўнутраныя спасылкі.
• Артыкулы не павінны ўтрымліваць парушэнняў аўтарскіх правоў.
• Можна ствараць любы артыкул пра жанчын або выбраць са спісу прапанаваных.

• За кожны створаны артыкул, які задавальняе патрабаванням, удзельнік атрымлівае 1 бал.
• За кожны створаны артыкул пра асобу, звязаную з Беларуссю, удзельнік атрымлівае дадатковы 1 бал.
• За кожны створаны артыкул пра асобу, звязаную з Украінай, удзельнік атрымлівае дадатковыя 2 балы.

• Каб унёсак быў улічаны, неабходна дадаць у адпаведную секцыю ніжэй спасылкі на створаныя артыкулы.
• Спасылку на створаны артыкул дадавайце ў выглядзе: # [[Назва артыкула]] — ~~~~

У марафоне WikiGap 2023 Belarus прынялі ўдзел 13 удзельнікаў, якія стварылі 378 артыкулаў (у тым ліку 213 артыкулаў пра жанчын, звязаных з Украінай, і 83 артыкулы пра жанчын, звязаных з Беларуссю).

Пераможцы

1. месца — Rymchonak (322 балы — створана 158 артыкулаў).
2. месца — Culamar (208 балаў — створана 70 артыкулаў).
3. месца — Паўлюк Шапецька (152 балы — створана 75 артыкулаў).

Калі ласка, дадавайце на старонцы размоў кожнага новага артыкула адпаведны шаблон: {{Артыкул праекта WikiGap 2023 Belarus}}

Гэты артыкул створаны ў рамках марафона WikiGap 2023 Belarus.